Атлетикэ онтэгъумкIэ Адыгэ Республикэм и Кубок икъыдэхын фэгъэхьыгъэ зэнэкъокъухэр Красногвардейскэ районым щыкIуагъэх.

Iофтхьабзэр кIэлэцIыкIу спорт еджапIэм щырагъэкIокIыгъ. ЧIыпIэ спортсменхэм ягъусэхэу заушэтыгъ къалэу Мыекъуапэ, Кощхьэблэ, Тэхъутэмыкъое ыкIи Шэуджэн районхэм ялIыкIохэм.

Зэнэкъокъухэр сыхьати 6 фэдизрэ кIуагъэх. Зэфэхьысыжьхэм къызэрагъэлъэгъуагъэмкIэ, бысымхэм якомандэ текIоныгъэр къыдихыгъ. Тэхъутэмыкъуаехэр ятIонэрэ хъугъэх, Мыекъуапэ испорт­сменхэм ящэнэрэ чIыпIэр къафагъэшъошагъ.