Физическэ культурэм ыкIи спортым ягъэIорышIэн фэгъэзэгъэ къэралыгъо къулыкъур зызэхащагъэр илъэси 100 зэрэхъугъэм фэгъэхьыгъэ зэнэкъокъухэм Адыгеим илIыкIохэм гъэхъэгъэшIухэр щашIыгъэх. Мыщ нэбгырэ 96-рэ хэлэжьагъ. Ахэр Краснодар краим, Адыгеим, Республикэу Башкортостан къарыкIыгъэх.

Къутырэу Гавердовскэм дэт гъэсэныгъэм игупчэу N 18-м щеджэхэрэ Сэмэгу Тимуррэ Чэсэбый Тамерланрэ хагъэунэфыкIырэ чIыпIэхэр къыдахыгъэх.

Турнирыр швейцарскэ системэм тетэу рагъэкIокIыгъ, тури 7 къы­дыхэлъытэгъагъ. Т. Сэмэгум очкоуи 6 ригъэкъугъ, зэ ныIэп къызэрэтекIуагъэхэр. Ащ текIоныгъэр къыфагъэшъошагъ. Т. Чэсэбыим очкоуи 5 къыхьыгъ, ар ящэнэрэ хъугъэ. Спортсмен ныбжьыкIэхэм ятренер Михаил Каплуновскэр.