Мыекъуапэ щыкIуагъ
Мы спорт лъэпкъымкIэ дунэе ыкIи Урысые мэхьанэ зиIэ зэнэкъокъухэр ятIонэрэу Мыекъуапэ щызэхащагъэх.
Къэралыгъом испортсмен анахь лъэшхэр ары зызыушэтыгъэхэр. Ахэм ащыщых маунтинбайкымкIэ дунэе ыкIи Урысые зэнэкъокъухэм текIоныгъэр къащыдэзыхыгъэ Максим Гоголевыр, гъогогъу пчъагъэрэ Урысыем ичемпионэу Тимофей Ивановыр, къэралыгъом изэнэкъокъухэм ятIонэрэ чIыпIэр къащыдэзыхыгъэ Анна Миролюбовар, нэмыкIхэри.
Илъэс 13 — 14, 15 — 16, 17 — 18 зыныбжь кIалэхэр ыкIи пшъашъэхэр зэнэкъокъугъэх. ГухэкI нахь мышIэми, мызэгъэгум Адыгеим испортсменхэм хагъэунэфыкIырэ чIыпIэхэр къыдахыгъэхэп.
ТекIоныгъэр афагъэшъошагъ Санкт-Петербург щыщ Тимофей Ивановымрэ Чуваш Республикэм илIыкIоу Алина Карповамрэ. Джащ фэдэу апэрэ чIыпIэр къыдахыгъ Чувашиер къэзыгъэлъэгъогъэ Леонид Павловым ыкIи Краснодар краим испортсменкэ ныбжьыкIэу Ольга Проценкэм.