«Лъэпкъ нэшанэ зиIэ илъэсыкIэ джэгуалъ» зыфиIорэ рес­публикэ зэнэкъокъум текIоныгъэ къыщыдэзыхыгъэ кIэ­лэцIыкIухэр зыщагъэшIогъэхэ зэхахьэ Адыгэ Респуб­ликэм и Правительствэ зычIэт Унэм щыкIуагъ.

[caption id="attachment_143458" align="aligncenter" width="800"] Анцокъо Ирин.[/caption]

Мыщ щагъэуцугъэ пцIыикъ чъыгым дэжь ахэм къалэжьыгъэ щытхъу тхылъ­хэмрэ шIухьафтынхэмрэ щаратыжьыгъэх. ПстэумкIи зэнэкъокъум мыгъэ IофшIэгъэ 70-м ехъу къырахьылIагъ. ЗэхэщакIохэм къызэраIуа­гъэмкIэ, мызыгъэгум уахэ­дэныр хьылъагъэ. Гъэ­шIэгъо­нэу, дахэу къыра­хьылIагъэр бэ. Арыти, зэхэгущыIэжьхи, хабзэ хъу­гъэ джэголъи 10-м ачIыпIэ анахь дэгъоу алъытэгъэ 15-р къыхахыгъ. Ахэм Правительствэм и Унэ ща­гъэуцугъэ пцIыикъ чъыгыр джы къа­гъэдахэ.

— Джэгуалъэхэр зэкIэ тизэнэкъокъу иIэ шапхъэ­хэм адиштэу, зэкIужьэу гъэпсыгъэх. Мы IофтхьабзэмкIэ тэркIэ шъхьаIэр адыгэ лъэпкъ Iэпэщысэхэм яшIынкIэ дгъэфедэрэ шIыкIэхэмкIэ IофшIагъэхэр зэ­рэгъэцэкIагъэхэр ары. Ащ тыдеплъыгъ. ШIухьафтынэу яттыгъэхэри Iэпэ­Iасэхэм агъэхьазырыгъэх. Ахэм акIырыплъыхэзэ ежьхэми ясэнаущыгъэ ха­гъэхъонэу тыфай, — къыд­­дэгъощагъ лъэпкъ IэшIагъэхэмкIэ IэпэIасэу, осэшI купым хэтэу Гумэ Ларисэ.

Зэнэкъокъур я 5-у мыгъэ зэхащагъ. Iоф­тхьабзэм Адыгеим иIэпэIасэхэм язэ­хахьэ икIэщакIу. АР-м культурэмкIэ и Министерствэ, КъокIыпIэм щыпсэу­рэ лъэпкъхэм яискусст­вэкIэ Къэралыгъо музеим икъутамэу рес­публикэм щыIэр ыкIи Адыгеим ­лъэпкъ культурэмкIэ и Гупчэ ащкIэ IэпыIэгъух. ЗэхэщакIохэм къызэраIуа­гъэмкIэ, Iофтхьабзэм хэлажьэхэрэм япчъагъэ илъэс къэс на­хьыбэ ­мэхъу.

Анцокъо Ирин.