Адыгэ Республикэм и Къэралыгъо Совет — Хасэм ия 31-рэ зэхэсыгъо 2023-рэ илъэсым тыгъэгъазэм и 28-м щыIэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «Адыгэ Респуб­ликэм изаконхэу «ЧIыпIэ зыгъэIоры­шIэжьыным ехьылIагъ», «ЧIыгум епхыгъэ зэфыщытыкIэхэр гъэтэрэзыгъэнхэм ехьылIагъ», «Зыныбжь имыкъугъэхэм анаIэ атегъэтыгъэнымкIэ Адыгэ Респуб­ликэм икъэралыгъо полномочие заулэ чIыпIэ зыгъэIорышIэжьынымкIэ къулыкъухэм афэгъэзэгъэным ехьылIагъ» зыфиIохэрэм зэхъокIыныгъэхэр афэ­шIыгъэнхэм афэгъэхьыгъэм» ятIонэрэу ахэплъэгъэныр; законопроектхэу «Адыгэ Республикэм изаконхэу «Адыгэ Республикэм имуниципальнэ шэпхъэ правовой актхэм я Регистрэ ехьылIагъ», «Муниципальнэ образованием илIыкIо къулыкъу идепутат иполномочиехэм ягъэцэкIэнкIэ гарантиехэм яхьылIагъ», «2023-рэ илъэсымкIэ ыкIи 2024-рэ, 2025-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2023-рэ илъэсымкIэ ыкIи 2024-рэ, 2025-рэ илъэсхэм ячэзыу пIалъэкIэ Адыгеим шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ», «Сабыйхэр зыпIунэу зыштэгъэ ны-тыхэм мазэ къэс ахъщэу аратыщтымрэ, кIэлэцIыкIу пчъа­гъэу апIурэм ялъытыгъэу ащ фэдэ унагъом социальнэ IэпыIэгъоу къыIукIэщтым ехьылIагъ», «Къэралыгъо социальнэ IэпыIэгъоу АР-м щарагъэгъотырэм ехьылIагъ», «ШIушIэным епхыгъэ Iофыгъо заулэ зэшIохыгъэным ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэм» апэрэу ахэплъэгъэныр ыкIи нэмкI Iофыгъохэр.

АР-м и Къэралыгъо Совет — Хасэм изэхэсыгъо АР-м и ЛIышъхьэ и Координационнэ гупчэу Жуковскэм иурамэу N 22-м щыIэм сыхьатыр 10.00-м щырагъэжьэщт.

АР-м и Къэралыгъо Совет — Хасэм и Тхьаматэ игуадзэу, чIыгу политикэмкIэ, мылъкумрэ чIыгумрэ япхыгъэ зэфыщытыкIэхэмкIэ комитетым итхьаматэу Цэй Эдуард