Энергетикэм иIофышIэхэу, иветеранхэу лъытэныгъэ зыфэтшIыхэрэр! Шъуисэнэхьат епхыгъэ мэ­фэкIымкIэ тышъуфэгушIо!

Адыгеим ис цIыфхэм электроэнергиерэ фабэрэ зэпымыоу яIэным, промышленнэ предприятиехэм, социальнэ, къэралыгъо учреждениехэм тэрэзэу Iоф ашIэным акIуачIэ езы­хьы­лIэхэрэм, мэхьанэшхо зиIэ проектхэм ягъэцэкIэн лъапсэ фэзышIыхэрэм ящытхъу мыщ фэдэ мафэм тэIо. Тиджырэ лъэхъан иэнергетическэ инфраструктурэ изытет бэкIэ елъытыгъэщт республикэм чIыпIэу ыIы­гъыщтыр, инвестициехэу ащ къыхалъхьащтхэр, со­циальнэ-экономикэ хэхъо­ныгъэу ышIыщтыр, цIыфхэм ящыIэкIэ-псэукIэ зыфэдэщтыр. Энергетикэм иIофышIэхэм IэпэIэсэныгъэ инрэ зэдегъэштэныгъэрэ ахэлъэу зэрэлажьэхэрэм тицыхьэ ты­регъэлъы Адыгеим иэнергетическэ амалхэм зыкъя­гъэIэтыгъэным епхыгъэ зигъо пшъэрылъхэр зэшIохыгъэ зэрэхъущтхэм, респуб­ликэмрэ тихэгъэгурэ яхэ-хъо­ныгъэ яIахьышIу зэрэха­шIыхьащтым. Энергетикэм иIофышIэ­хэ­ри, иветеранхэри яIоф зэрэ­фэшъыпкъэхэм фэшI лъэшэу тызэрафэразэр къэтэIо. Ныбджэгъу лъапIэхэр, псауныгъэ пытэ, щыIэкIэ-псэу­кIэ дэгъу шъуиIэнэу, шIоу щыIэр зэкIэ къыжъудэхъунэу, шъуиIофшIэн гъэ­хъэгъакIэхэр щышъушIынэу тышъуфэлъаIо! Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъо­лъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожнэр