Еджэркъуае щыкIуагъ
Мы къуаджэм республикэ мэхьанэ зиIэ зэнэкъокъу мы мафэхэм щыкIуагъ. Ащ бзылъфыгъэ командэхэр хэлэжьагъэх.
Турнирым команди 5 къекIолIагъ, Мыекъуапэ, Кощхьэблэ ыкIи Мыекъопэ районхэм ялIыкIохэм заушэтыгъ. ЕшIэгъухэр гъэшIэгъонэу кIуагъэх, командэхэм ухьазырыныгъэ дэгъу къагъэлъэгъуагъ.
Адыгеим икъэлэ шъхьаIэ къэзыгъэлъэгъуагъэхэр ары хагъэунэфыкIырэ чIыпIэхэм афэбэнагъэхэр. ТекIоныгъэр къыдихыгъ Социальнэ фондым и Къутамэу Адыгеим щыIэм икомандэ, ятIонэрэ хъугъэ Адыгэ къэралыгъо университетыр, ящэнэрэ чIыпIэр фагъэшъошагъ Мыекъопэ спорт еджапIэу С. М. Джэнчатэм ыцIэ зыхьырэм.
ХагъэунэфыкIырэ чIыпIэхэр къыдэзыхыгъэхэм зэхэщакIохэр афэгушIуагъэх, къалэжьыгъэ шIухьафтынхэр аратыжьыгъэх.