Урысые Федерацием щынэгъончъэнымкIэ икъулыкъухэм яIофышIэхэу, яветеранхэу лъытэныгъэ зыфэтшIыхэрэр! Шъуисэнэхьат епхыгъэ мэфэкIымкIэ тышъуфэгушIо!

Урысыем иконституционнэ гъэпсыкIэ, хэгъэгум ис цIыфхэм яфитыныгъэхэм, яфедэхэм якъэухъумэн мафэ къэс зиIахьышхо хэзышIыхьэхэрэм ящытхъу непэ тэIо, лъытэныгъэшхо зэрафэтшIырэр къыхэтэгъэщы.

Экстремизмэм, терроризмэм, экономикэ бзэджэшIагъэхэм ябэныжьыгъэныр, къолъхьэ тын-Iыхыным пэуцужьыгъэныр, хабзэм диштэу къэбархэр гъэфе­дэгъэнхэр, политическэ зыпкъитыныгъэмрэ общест­веннэ зэгурыIоныгъэмрэ къэухъумэгъэнхэр Урысые Федерацием щынэгъончъэнымкIэ икъулыкъухэм яIофышIэхэм анахьэу анаIэ зытырагъэтырэ лъэныкъохэм ащыщых.

IэпэIэсэныгъэшхоу шъухэлъыр къызфэжъугъэфедэзэ, шъуикъулыкъу пшъэрылъхэр шIуагъэ къытэу жъугъэцакIэхэзэ, Урысыем икъэралыгъо лъапсэхэм, тицIыфхэм языкIыныгъэ ягъэпытэн чанэу шъухэлажьэ, къиныгъоу, щынагъоу къыкъокIыхэрэм тихэгъэгу апэуцужьынымкIэ, ушэтыпIэ пстэуми апхырыкIы­нымкIэ шъуфэлъэкIырэр зэкIэ шъошIэ.

ЩынэгъончъэнымкIэ къулыкъухэм яIофышIэхэу, яветеранхэу зипшъэрылъхэр Адыгэ Республикэм щызыгъэцакIэхэрэр гуетыныгъэшхо фыряIэу зэрэлажьэхэрэм, IэпэIэсэныгъэшхо зэрахэлъым, Iофэу зыфэгъэзагъэм зэрэфэшъыпкъэхэм, тиреспубликэ хэхъоныгъэ ышIынымкIэ, цIыфхэм рэхьатныгъэрэ щынэгъончъагъэрэ яIэнымкIэ ищыкIэгъэ амалхэр зэрэзэрахьэхэрэм афэшI лъэшэу тызэрафэразэр къэтэIо.

Псауныгъэ пытэ, щыIэкIэ-псэукIэ дэгъу, унэгъо насып шъуиIэнэу, гушIуагъо шъущымыкIэнэу, Адыгеими, Урысыеми апае шъуикъулыкъу гъэхъагъэхэр щышъушIынхэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр