Мыекъопэ районым ипсэупIэу Дахъо гъэсты­ныпхъэ шхъуантIэр щатIупщыгъ.

[caption id="attachment_143285" align="aligncenter" width="800"] Газпром газораспределение Майкоп[/caption]

«Газпром газораспределение Майкоп» зыфиIорэ хъызмэтшIапIэм хьакIэщхэм ащыщ гъэстыныпхъэ шхъуантIэм пигъэнагъ, зекIо къакIохэрэр нахь щыгу­псэфынхэмкIэ, Адыгеир нахь къыхахы хъу­нымкIэ амалышIухэм язэу ар хъущт.

Гурыт кIуачIэм телъытэгъэ чIычIэгъ газрыкIопIэ метрэ 70-рэ фэдиз, кIочIэ макIэм телъытагъэу метрэ 600-м ехъу агъэпсыгъ, тIупщын-зэтегъэпсыхьан Iоф­шIэнхэр зыгъэпсэфыпIэм иуни 7-мэ ащызэшIуахыгъэх.

[caption id="attachment_143286" align="aligncenter" width="800"] Газпром газораспределение Майкоп[/caption]

Газыр зэкIэми анэгъэсыгъэным тегъэпсыхьэгъэ программэм къыхэлэжьэнхэм пае Дахъом щыпсэухэрэм лъэIу тхылъхэр псынкIаIоу къатынхэу «Газпром газораспределение Майкоп» зыфиIорэ хъызмэтшIапIэр къяджэ. «Iофыр нахь псынкIэу зэшIохыгъэ хъуным пае лъэIу тхылъхэр къэзыугъоищт агъэкощырэ офисыр гъэстыныпхъэ шхъуантIэр зыдэтщэщтхэ псэупIэхэм афэдгъэкIонэу тыхьазыр», — къыIуагъ «Газпром га­зораспределение Майкоп» зыфиIорэ хъызмэтшIапIэм игенеральнэ пащэу ЕкъутэкI Аслъан.

ПсэупIэу Дахъо гурыт ыкIи кIочIэ макIэ зиIэ газрыкIуапIэхэм яшIын щаухы­гъэу гъэстыныпхъэм итIупщын щыфагъэ­хьазырых, охътэ благъэм ар зэ­шIуахыщт.