ХагъэунэфыкIырэ чIыпIэ къыдихыгъ
Мыекъуапэ испорт еджапIэу В. С. Максимовым ыцIэ зыхьырэм иинструктор-методист шъхьаIцифрэ шIыкIэр спортым щыгъэфедэгъэным фытегъэпсыхьэгъэ зэнэкъокъум хэлэжьагъ ыкIи хагъэунэфыкIырэ чIыпIэ къыщыдихыгъ.
Iофтхьабзэм пшъэрылъ шъхьаIэу иIэр физическэ культурэм ыкIи спортым япхыгъэу Iоф зышIэрэ организациехэм, ахэм якъулыкъушIэхэм IэпыIэгъу афэхъугъэныр ары.
Цифрэ шIыкIэр зэрагъэфедэрэм ишIуагъэкIэ спортым ыкIи физическэ культурэм апыщагъэхэм япчъагъэ нахьыбэ мэхъу. 2023-рэ илъэсым зэхащэгъэ зэнэкъокъоу «Урысые спортыр цифрэ шIыкIэм тегъэхьэгъэныр» зыфиIорэм хэлэжьэнхэу къэралыгъом ишъолъыр 65-мэ ялIыкIохэм лъэIу тхылъ 564-рэ къатыгъ. ОсэшIхэр ахэм ахэплъагъэх, лъэныкъуи 8-мкIэ анахь дэгъухэр къыхагъэщыгъэх. Ахэм ащыщых тренер-кIэлэегъэджэ, организацие ыкIи спорт федерацие анахь дэгъухэр.
«Лучший администратор АИС «Мой спорт» зыфиIорэ лъэныкъом Мыекъуапэ къыщигъэлъэгъуагъ Тамирлан Кадыровым. Ащ иIофшIагъэ зэхэщакIохэм осэшIу къыфашIыгъ ыкIи ящэнэрэ чIыпIэр къыфагъэшъошагъ. ЯтIонэрэ хъугъэ Московскэ хэкум щыщ Дарья Котенковар. ТекIоныгъэр къыдихыгъ къалэу Кострома илIыкIоу Антонина Балакиревам.
Зэнэкъокъур онлайн шIыкIэм тетэу рагъэкIокIыгъ. Тамирлан Кадыровым къылэжьыгъэ тыныр мэфэкI шIыкIэм тетэу Мыекъопэ къэралыгъо технологическэ университетым къыщыратыжьыщт.