Мыекъопэ районым илIыкIохэр къахэщыгъэх
Джэджэ кIэлэцIыкIу спорт еджапIэу А. Ж. Галстян ыцIэ зыхьырэм зэхищэгъэ зэIухыгъэ зэнэкъокъоу «ЛIыжъ ЩтыргъукIым и Кубок» зыфиIорэм Мыекъопэ районым испортсменхэр нахь къащыхэщыгъэх.
Мыекъуапэ, Шытхьалэ, Апшеронскэ, Джэджэ ыкIи Мыекъопэ районхэм ялIыкIохэр турнирым хэлэжьагъэх. Боксер ныбжьыкIэхэм ухьазырыныгъэ дэгъу къагъэлъэгъуагъ, медальхэм афэбэнагъэх.
Поселкэу Тульскэм щыщ кIалэхэм хагъэунэфыкIырэ чIыпIи 8 къахьыгъ, текIоныгъэр къыдэзыхыгъэ нэбгыритIур псэупIэу Пролетарскэм дэсых. Ащ нэмыкIэу Мыекъопэ районым илIыкIохэм тыжьын медалитIу къафагъэшъошагъ, командэхэм язэнэкъокъу апэрэ чIыпIэр къыщыдахыгъ.