КъэралыгъуипшIымэ къарыкIыгъэ нэбгырэ минырэ ныкъорэ зыхэлэжьэгъэ кадет къэ­шъо ШIушIэ зэIукIэшхо Москва мы мафэхэм щыкIуагъ.

[caption id="attachment_143226" align="aligncenter" width="800"] ЗэIухыгъэ къэбарлъыгъэIэс амалхэр.[/caption]

Мыгъэрэр яенэрэ хъугъэ ыкIи хэушъхьафыкIыгъэ дзэ операцием фэгъэхьыгъагъ.

УФ-м и Президентэу Владимир Путиным ишIуфэс тхылъ Iофтхьабзэм хэлажьэхэрэм афигъэхьыгъ. Мы хъугъэ-шIа­гъэр къэралыгъомкIи, ащ икъэлэ шъхьаIэкIи мэхьанэшхо зиIэу зэрэщытыр игущыIэхэм къащыхигъэщыгъ, уахътэмрэ лIэуж­хэмрэ язэпхыныгъэ игъэпытэн зэрэфэIорышIэрэр къыIуагъ, ИлъэсыкIэу къэблагъэрэмкIэ афэгушIуагъ.

Адыгеим ипэщагъэу, шIу­шIа­кIоу Шъэумэн Хьазрэт къекIо­лIагъэхэм закъыфигъэзагъ:

— ЩыIэныгъэм анахь мэхьанэшхо щызиIэхэр гукIэгъуныгъэр, хьалэлыгъэр ары. ЦIыф­хэм шъуафызэIухыгъэу шъущыт, шъхьэкIэфэныгъэ зэ­фэшъушI, шъузэрэлъыт. Шъоры тапэкIэ Урысыер зыгъэпытэщтыр, хэзыгъэхъощтыр, игъэ­хъагъэхэр зыгъэбэгъощтхэр! Шъоры Урысыем ибаиныгъэ шъхьаIэр!

[caption id="attachment_143227" align="aligncenter" width="800"] ЗэIухыгъэ къэбарлъыгъэIэс амалхэр.[/caption]

«ТиIофтхьабзэ ипопечительскэ совет ипащэу Шъэумэн Хьазрэт къэралыгъом пае ды­шъэ къычIихыгъ илъэс 40-рэ, ар анахьыбэу зычIэлъ чIыпIэхэу СССР-м иIэхэр Хьазрэт Мэ­джыдэ ыкъор ары къызэIузыхыгъэхэр, — къыщыхигъэщыгъ игущыIэ Къэралыгъо Думэм ифракциеу «Справедливая Россия — За Правду» зыфиIорэм ипащэу Сергей Мироновым. — Урысыем дышъэ гъэтIылъыгъэ бэу зэриIэр Шъэу­мэным ишIушIагъ. Ар сэ дэгъоу сэшIэ, сыда зыпIокIэ, сиапэрэ сэнэхьаткIэ сыгеолог. Шъэу­мэ­ным дышъэкъычIэщыпIэхэр къа­щигъотыщтыгъэх егъашIи узэмы­гуцэфэщтыгъэ чIыпIэхэм. Непэ «дышъэ» ныбжьыкIэхэр къыткIэхъухьэхэрэм къахегъуатэх».

Къэралыгъом ишъолъыр 84-мэ якадет еджапIэхэм, суворовскэ ыкIи нахимовскэ учи­лищхэм, кадет классхэр зыхэт еджапIэхэм, дзэ-спорт ныбжьыкIэ клубхэм, Урысыем икIэлэцIыкIу социальнэ учреждениехэм къарыкIыгъэхэу дэгъумэ анахь дэгъужьхэр арых къау­гъоигъэхэр Iофтхьабзэм хэлэ­жьэнхэу.

«ИлъэсыкIэм ипэгъокIэу на­хьыжъхэри, зыныбжь имыкъугъэхэри мыщ фэдэ Iофтхьэбзэ хьалэмэтым хэлэжьэнхэ фае, — къыIуагъ Урысыем и ЛIы­хъужъэу, ВД дзэхэм яветеранэу, полковникэу, Къэралыгъо Думэм зыкъэухъумэжьынымкIэ икомитет ипащэ игуадзэу Андрей Красовым. — ХэушъхьафыкIыгъэ дзэ операцием хэлажьэхэрэри мыщ щысэлъэгъух ыкIи ащ мэхьанэшхо иI, сыда зыпIокIэ лIэужхэм язэпхыныгъэ тикъэралыгъо зыгъэпытэрэ нэшан. ЧIыпIэри дэгъоу къыхэхыгъэу щыт — хабзэ хъугъэу ижъырэ Кремлым идэпкъхэм ар ащашIы».

Къэшъо Iофтхьэбзэшхоу зэхащагъэм ипащэу Юлия Кирпичниковам къыIуагъ: «Бэмэ яунагъохэм ащыщхэр хэушъхьафыкIыгъэ дзэ операциер зыщыкIорэ чIыпIэм щыIэх. НыбжьыкIэхэм дзэ къулыкъушIэхэм письмэхэр афатхыгъэх, ахэр ИлъэсыкIэм ехъулIэу аIэкIа­гъэхьащтых».

Шъэумэн Хьазрэт и ШIушIэ фонд къыригъэблагъи, адыгэ къашъомкIэ муниципальнэ кIэлэцIыкIу купэу «Мыекъуапэ инэфылъэхэр» зыфиIорэр Iоф­тхьабзэм хэлэжьагъ. Ащ къы- ща­лъэгъугъэмрэ щызэхашIа­гъэмрэ кIэлэцIыкIухэм бэрэ агу илъыщт.