Къэгъэлъэгъонэу «Урысыер» зыфиIоу Москва щыкIорэм Адыгеир зэрифэшъуашэу лъэныкъо зэфэшъхьафхэмкIэ къащыхэщыгъ. Гъэлъэгъон Iофыгъохэм ямызакъоу, тапэкIи зыдэлэжьэщтхэмкIэ зэзэгъыныгъэхэр щашIыгъэх.

[caption id="attachment_143215" align="aligncenter" width="800"] АР-м и ЛIышъхьэ ипресс-къулыкъу[/caption]

Ахэм зэу ащыщ Адыгеим и Правительствэрэ публичнэ Iахьзэхэлъ обществэу «Урысыем и Сбербанкрэ» зыкIэтхагъэхэр. Адыгэ Республикэм и ЛIышъхьэу КъумпIыл Муратрэ Сбербанкым и Къыблэ-ТыгъэкъохьэпIэ къутамэ и Тхьаматэу Анато­лий Песенниковымрэ аIапэхэр кIадзагъэх Iоф зэрэзэдашIэщт лъэныкъохэр зэрыт тхылъым. Ащ къызэрэдилъытэрэмкIэ, лъэ­ныкъуитIум язэдэлэжьэныгъэ зы­тегъэпсыхьэгъэщтыр IэрышI акъылым игъэфедэн, ащ къыхеубытэ машинэ егъэджэнымкIэ шIыкIэхэр, цифрэ ыкIи ESG-кIэ заджэхэрэ шъуашэм илъэу, джащ фэдэу шIэныгъэ-ушэтын ыкIи лъэхъаным диштэрэ шIэныгъакIэхэм атет IофшIэныр гъэлъэшыгъэныр. Пстэури зы­фэIорышIэщтыр Адыгеим технологие пэрытхэр щыгъэфедэ­гъэн­хэр, цIыфхэм къызэрадекIокIы­хэрэр нахьышIу шIыгъэныр ары. Сбербанкым ипавильон Адыгеим и ЛIышъхьэ рагъэлъэгъугъ, ащ игъусагъ Урысыем и Сбербанк и Адыгэ отделение игъэ­IорышIакIо ипшъэрылъхэр зыгъэцэкIэрэ ДышъэкI Асхьад.

Мы мафэм джащ фэдэу Къум­пIыл Мурат еблэгъагъ Херсон хэкум игъэлъэгъуапIэ. Мы шъо­лъырым ирайонхэм ащыщ Адыге­ир лъэплъэ ыкIи зэтегъэуцожьын IофшIэнхэр щырегъэкIокIых цIыфхэм ящы­IакIэ нахьышIу шIыгъэным пае. Херсон хэкум и Правительствэ и Тхьаматэ игуадзэу Семен Машкауцан Адыгеим и ЛIышъхьэ рэзэныгъэ гущыIэхэр къыриIуа­гъэх Геническэ районым щызэрахьэрэ IофшIэнхэм апае.

[caption id="attachment_143216" align="aligncenter" width="800"] АР-м и ЛIышъхьэ ипресс-къулыкъу[/caption]

Къэгъэлъэгъонэу «Урысыем» къэралыгъо Iофтхьабзэу «ШIоигъоныгъэхэм япцIыикъ чъыг» зыфиIоу щыкIуагъэм КъумпIыл Мурат хэлэжьагъ. Мы Iофыгъор 2018-рэ илъэсым Президентэу Владимир Путиным къырихьы­жьагъ, щыIэныгъэм чIыпIэ къин ригъэуцуагъэхэм яхъопсапIэхэр къадэхъунхэмкIэ сабыибэмэ IэпыIэгъу афэхъугъ. Елкэм Къум­пIыл Мурат открыткитIу къы­пихыгъ: илъэс 13 зыныбжьэу Мыекъуапэ дэс Ксение кушъхьэфачъэ кIэу зэрэфаер зым итыгъ, илъэс 15 зыныбжь Софиеу Адыгеим икъош шъолъыр хъугъэ Херсон хэкум щыщыр гитарэ къыкIэлъэIугъ. Адыгеим и ЛIышъхьэ къызэриIуагъэмкIэ, республикэ правительствэм ылъэкIыщтыр ышIэщт нэмыкI сабыйхэуи щыIэныгъэм чIыпIэ къин ригъэуцуагъэхэм яхъопсапIэхэр къадэхъунхэм пае, хэу­шъхьафыкIыгъэ дзэ операцием хэлажьэхэрэми, ветеранхэми якIэлэцIыкIухэм алъыIэсыщтых.

[caption id="attachment_143217" align="aligncenter" width="800"] АР-м и ЛIышъхьэ ипресс-къулыкъу[/caption]

Врачхэм я Хасэ ия III-рэ зэ­хэсыгъуи къэгъэлъэгъоным къыдыхэлъытагъэу щыIагъ. Ащ 2023-рэ илъэсым зэфэхьысыжьхэр щыфашIыгъэх. Шъугу къэдгъэкIыжьын, мыщ хэтых Москва исымэджэщ, ишIэныгъэ гупчэ анахь пэрытхэм, Адыгеим, Краснодар краим, КъБР-м, КъЩР-м яIэзапIэхэм врачэу Iоф ащызышIэхэрэр.

Адыгеим ичIыопс ибаины­гъэхэр, ащ къыщыкIыхэрэмрэ псэушъхьэхэу исхэмрэ афэгъэ­хьыгъэ Iэнэ хъурае, къэIотэн зэ­фэшъхьафхэр къэгъэлъэгъонэу «Урысыем» джащ фэдэу къыдыхэлъытэгъагъэх.

Къыхэгъэщыгъэн фае, мы Iофтхьабзэр мырэущтэу игъэ­кIотыгъэу апэрэу къэралыгъом щызэхащагъ ыкIи ащ Адыгеир шъуашэу, дахэу, тиблэкIыгъэ къыдэкIыгъо къызэрэщыттхы­гъагъэу, пстэуми агъэшIагъоу къащыхэщыгъ. Тишхыныгъохэр къыщагъэлъэгъуагъэх ыкIи щатыгъэх — нэбгырэ мини 6-м ехъумэ ахэр ауплъэкIунхэ алъэ­кIыгъ, тиIэпэIасэхэр, тикъэшъо­кIо ыкIи орэдыIо цIэрыIохэр, тиапшъэрэ еджапIэхэр… — рес­публикэм илъэныкъо пстэури шъуашэу къыщытыгъагъ. УФ-м и Президент игукъэкIкIэ зэхащэгъэ къэгъэлъэгъоныр къи­хьащт илъэсым имэлылъфэгъу и 12-м нэс зэIухыгъэщт. Зыхэшъумгъэн.