Кушъхьэфэчъэ спортымкIэ дунэе ыкIи Урысые зэнэкъокъухэр Адыгеим щыкIуагъэх. Къэралы­гъом ишъолъыр 15-мэ ыкIи Белоруссием къа­ры­кIыгъэ спортсменхэр республикэм икъэлэ шъхьа­Iэ ихьэкIагъэх.

Iофтхьабзэм хэлажьэхэрэм шIуфэс гущыIэхэмкIэ закъыфигъэзагъ Адыгеим кушъхьэ­фэчъэ спортымкIэ и Феде­рацие ипрезидентэу Анатолий Лелюк.

МаунтинбайкымкIэ Урысыем ихэшыпыкIыгъэ командэ итренер шъхьаIэу Николай Крутилиным къызэриIуагъэмкIэ кушъхьэфэчъэ спортымкIэ дунэе ыкIи Урысые мэхьанэ зиIэ зэнэкъокъухэр шэпхъэшIухэм адиштэу Адыгеим щырагъэкIокIых. АщкIэ зэхэщакIохэм зэрафэразэр ащ хигъэунэфыкIыгъ.

Дунэе мэхьанэ зиIэ зэнэ­къокъум текIоныгъэ къыщыдэ­зыхыгъэхэр Санкт-Петербург щыщ Тимофей Ивановымрэ Удмуртием къикIыгъэ Анна Миролюбовамрэ.

НыбжьыкIэхэмкIэ апэрэ чIы­пIэр афагъэшъошагъ Чувашием щыщ Роман Романовымрэ Санкт-Петербург къи­кIыгъэ Мария Брюхинамрэ.

Илъэс 15 — 16 зыныбжь кIалэхэм азыфагу щыкIогъэ Урысые зэнэкъокъум ащытекIуагъ Санк-Петербург къи­кIыгъэ Кирилл Масликовыр, пшъашъэхэмкIэ анахь лъэшыгъэр Челябинскэ хэкум щыщ Марина Зоринар ары.

Илъэс 13 — 14 зыныбжь пшъашъэхэм язэнэкъокъу ящэ­нэрэ чIыпIэр къыщыди­хыгъ Адыгэ Республикэр къэ­зыгъэлъэгъогъэ Дарья Ли­сиченкэм.