Адыгэкъалэ щыкIуагъ
Теннис цIыкIумкIэ турнир мы мафэхэм Адыгэкъалэ щыкIуагъ. Ащ хэлэжьагъэх Мыекъуапэ, Шытхьалэ, Красногвардейскэ, Тэхъутэмыкъое ыкIи Теуцожь районхэм ялIыкIохэр.
АнахьыкIэхэм якуп хэтыгъэ Мыекъуапэ щыщ Бзаго Даринэ ешIэкIэ дахэ къыгъэлъэгъуагъ, илъэсих зыныбжь пшъэшъэжъыем текIоныгъэр къыдихыгъ. Шытхьалэ испортсмен ныбжьыкIэу Артем Рубцовым апэрэ чIыпIэр къыдихыгъ. Теуцожь районым илIыкIохэу Чэтэо Альбинэрэ Блэгъожъ Динарэрэ чемпионкэ хъугъэх. Ащ нэмыкIэу, мы муниципалитетым испортсменхэм хагъэунэфыкIырэ чIыпIищ къыдахыгъ. Республикэм икъэлэ шъхьаIэ щыщ Александр Лихобаба текIоныгъэр къыфагъэшъошагъ. Мыекъуапэрэ Шытхьалэрэ якомандэхэм медаль ирый къахьыгъ, Теуцожь районым — 5.