Апэрэ чIыпIэр къыдахыгъ
Адыгеим игандболисткэхэм Краснодар краим щызэхащэгъэ зэнэкъокъум текIоныгъэр къыщыдахыгъ. ХэушъхьафыкIыгъэ дзэ операцием хэлажьэхэрэм тарыгушхоным ыкIи ащ хэкIодагъэхэм яшIэжь гъэлъэпIэгъэным Iофтхьабзэр фэгъэхьыгъагъ.
Станицэу Воронежскэм щыкIогъэ турнирым команди 8 хэлэжьагъ, спортсменкэхэм аныбжь илъэси 10-м шIокIырэп. Адыгеир къагъэлъэгъуагъ Мыекъуапэ испорт еджапIэу
С. М. Джэнчатэм ыцIэ зыхьырэм икомандитIу. Бысымхэм, республикэм икъэлэ шъхьаIэ анэмыкIэу Ростов-на-Дону, станицэхэу Медведовскаямрэ Отраднэмрэ якомандэхэр медальхэм афэбэнагъэх.
Тренерэу Мария Кучеренкэм ыгъэсэрэ типшъашъэхэм яешIэгъухэр зэкIэ къахьыгъэх ыкIи текIоныгъэр къыдахыгъ. ЯтIонэрэ ыкIи ящэнэрэ чIыпIэхэр афагъэшъошагъэх псэупIэхэу Воронежскэмрэ Медведовскаямрэ якомандэхэм.