Мыекъуапэ физическэ культурэмкIэ ыкIи спортымкIэ и Комитет илъэсыкIэ марафонэу «Навстречу зеленому дракону» зыфиIорэм шъухэлэжьэнэу шъу­регъэблагъэ.

Ипсауныгъэ зыгъэпытэ зышIои­гъохэм мы Iофтхьабзэр афытегъэ­псыхьагъ.

2023-рэ илъэсымкIэ мыщ фэдэ марафоныр яблэнэрэу рагъэкIокIыщт. Iофтхьабзэм хэлажьэхэрэм пшъэрылъ шъхьаIэу яIэр мэфиблым къыкIоцI лъэбэкъу мини 100 къакIуныр ары. Мы уахътэм ехъулIэу ащ зыщаушэтынэу нэбгыри 150-мэ зарагъэтхыгъ.

Iофтхьабзэр тыгъэгъазэм и 18-м аублэщт. ЗэхэщакIохэм къагъэуцугъэ пшъэрылъыр зыгъэцакIэхэрэм дипломхэр къаратыщтых, джащ фэдэу хэушъхьафыкIыгъэ шIухьафтыным фэбэнэнхэ алъэкIыщт.