Дунэе Артийскэ Комитетымрэ А.В. Третьяковым ыцIэ зыхьырэ культурнэ-гъэсэныгъэ проектэу «Зэкъошныгъэм инэпкъхэр» зыфиIорэм и Координационнэ советрэ Адыгэ Республикэм итхэкIо ныбжьыкIэхэу ыкIи тхэкIо уцугъэхэу, сту­дент­хэмрэ кIэлэегъаджэхэмрэ ащыщ­хэу ныдэлъфыбзэкIэ ыкIи урысыбзэкIэ усэхэр зытхыхэрэр къырагъэблагъэх поэзиемкIэ ыкIи поэтическэ зэдзэкIы­нымкIэ я IX-рэ Дунэе ныбжьыкIэ фести­валь-зэнэкъокъоу «Зэкъошныгъэм инэпкъ­хэр» зыфиIорэм, джащ фэдэу поэ­зиемрэ поэтическэ зэдзэкIынымрэ я Урысые зэIухыгъэ еджапIэ.

Проектыр Ростов хэкум ишъо­лъыр зыщагъэцакIэрэр. Ащ изэхэщакIохэм ахэхьэх Урысыем, Беларусым, Украи­нэм ятхакIохэм ясоюзхэр, тхакIохэм ыкIи искусс­т­вэхэмкIэ IэпэIасэхэм я Дунэе Союз. Пшъэрылъэу зэхэщакIомэ яIэр литературэмрэ искусствэмрэкIэ IэпэIасэхэм лIэужыкIэхэр къакIэлъы­кIонхэм фэлэжьэгъэныр, ар Урысые Федерацием имыза­къоу, IэкIыб благъэми ащыгъэцэкIэгъэныр, лъэпкъ зэфэшъ­хьафхэм къахэкIыгъэ ныбжьыкIэхэу сэнаущыгъэ зыхэлъ­хэр зэхэщэгъэнхэр, нэIуасэ зэфэшIыгъэнхэр, ятвор­чествэкIэ зэхъожьынхэр ыкIи атхыгъэхэр бзэ зэфэшъхьаф­хэмкIэ зэдзэкIыжьыгъэнхэр. 2024-рэ илъэсым ишышъхьэIу мазэ анахь дэгъоу усэхэр зэзыдзэкIыгъэхэр Ростов хэкум рагъэблэгъэщтых, ахэр фи­на­лым щызэIукIэщтых ыкIи нэIуасэ щызэфэхъущтых. ОсэшIхэм зэрагъэна­

фэрэмкIэ шъолъыр зэфэшъхьафхэм ялIыкIохэм нэбгырэ 40-у къахахыщтхэм лекциехэм, семинархэм, мастер-класс­хэм ахэлэжьэнхэ алъэкIыщт ыкIи прог­раммэу «УсэкIэ тхыгъэр зэдзэкIы­гъэ­ным пылъ Iофыгъохэр» зыфиIорэмкIэ гъэсэны­гъэ тедзэ зэрагъэгъотыщт, Луганскэ къэ­ра­лыгъо университетэу В.И. Даль ыцIэ зыхьырэм ыкIи Таганрогскэ инсти­тутэу А.П. Чеховым ыцIэ зыхьырэм ясертификатхэр къыдахыщтых.

Фестивалым хэлажьэхэрэр зэры­сыщтхэм, зэрэшхэщтхэм, Iофтхьабзэу зыхэлэжьэщтхэм атефэщтыр къезыгъэ-б­ла­гъэхэрэм апшъэ ралъхьажьыгъ, ащкIэ IэпыIэгъу къафэхъущт АНО-у «Агентство развития гражданских инициатив Ростовской области» зыфиIоу Ростов хэкум и Губернатор игрант къэзыхьыгъэр.

Проектым изэфэхьысыжьэу хъущт зэхэт тхылъхэу къыдагъэкIыщтхэр, ахэм адагъэхьащтых адыгэ усакIомэ яусэхэр, нэмыкIыбзэхэмкIэ зэрадзэкIыжьыгъэхэр ягъусэхэу.

Фестиваль-зэнэкъокъум хэлажьэ зышIоигъохэм ятхылъхэр 2024-рэ илъэсым имэзэе мазэ и 29-м нэс атынхэ алъэкIыщт.

Мы зэнэкъокъум шапхъэу пылъхэр нахь игъэкIотыгъэу культурнэ-гъэсэныгъэ проектэу «Зэкъошныгъэм инэпкъхэр» зыфиIорэ сайтым ижъугъотэщтых: https://берега-дружбы.рф