ПсэолъэшIыным къыпыкIыгъэ хэ­кIым­рэ пыдзэфэ инкIэ алъытэхэрэмрэ зэрэзэтекIхэрэр «ЭкоЦентрэм» къызэхефы.

Фэтэрыбэу зэхэт унэхэм ачIэсхэм хэкIыр зэрахьылIэщт площадкэу афагъэ­псыгъэхэм псэолъэшIыным къыпыкIыгъэ пыдзафэхэр къызэрэрахьылIэрэр нахьыбэ хъугъэ. ПсэолъэшIын IофшIэнхэр бэу зыщыкIорэ къалэу Мыекъуапэ, поселкэу Яблоновскэр ары «ЭкоЦентрэм» испе­циалистхэм нахьыбэу зыщагъэунэфы­гъэр. НэмыкI муниципальнэ образованиехэм ар ащымакI.

Шъугу къэтэгъэкIыжьы, псэолъэшIыным къыпыкIыгъэхэр арэп, пыдзэфэ инкIэ алъытэхэрэр ары «ЭкоЦентрэм» Iуищыхэрэр. ПсэолъэшIыным къыпыкIыгъэкIэ алъытэхэрэр гущыIэм пае, унэ е къакъыр ашIыгъэмэ, агъэкIэжьыгъэмэ е зэхахыжьыгъэмэ къыпыкIыгъэхэр ары. ГущыIэм пае, чырбыщхэр, мыжъо зэхэгъэчъыхьагъэхэр, гипсокартоным хэшIыкIыгъэ пкъыгъохэр, шиферыр, краскэр зэрытыгъэхэр, нэмыкIхэр. «Пыдзэфэ инхэр» гъэцэкIэжьын IофшIэнхэм къапыкIыгъэхэр, унэгъо псэуалъэу, техникэу къырахыжьыгъэхэр ары.

ПсэолъэшIыным къыпыкIыгъэхэм яIущын шъолъыр операторым ипшъэ­рылъхэм ахахьэрэп. Мы фэIо-фашIэр зэзэгъыныгъэ къыдашIымэ, ыпкIэ хэлъэу егъэцакIэ. Арышъ, контейнерхэр зытетхэ площадкэхэм ащиптэкъун е бакхэм арыплъхьан уфитэп.

ПсэолъэшIыным къыпыкIыгъэхэм яIущын пае лъэIу тхылъыр мы адрес­хэм къяшъухьылIэнхэ шъулъэкIыщт: Мыекъуа­пэ, урамэу Пионерскэр, 297, поселкэу Яблоновскэр, урамэу Школьнэр, 10/1. Онлайн шIыкIэм тетэуи къэжъугъэхьын амали щыI. Мары адресыр: https://adygeya.clean-rf.ru.

«ЭкоЦентрэм» и Адыгэ шъолъыр къутамэ ипресс-къулыкъу