Урысыем иапшъэрэ лигэ щешIэрэ командэхэм зэнэкъокъум иапэрэ едзыгъо аухыгъ. Адыгеир къэзыгъэлъэгъорэ «Динамо-МГТУ-р» Мыекъуапэ тIогъогогъо щыIукIагъ «Чебоксарские ястребы» зыфиIорэм.

ЕшIэгъухэр къызэрыкIуагъэхэп. Апэрэм хьакIэхэр нахь щылъэ­шыгъэх, 73:57-у ахэм текIоныгъэр къыдахыгъ. ЯтIонэрэ зэIукIэгъур бысымхэм ахьыгъ. Апэрэ едзы­гъом икIэухым тикомандэ иешIэкIо пэрытхэм ащыщэу Павел Крящен­кэм шъобж къытыращыгъ.

Мы зэIукIэгъум командэхэм нахь къахэщыгъэр Данила Донс­ковыр ары. Ащ очко 29-рэ ригъэкъугъ. «Динамо-МГТУ-м» овер­таймым текIоныгъэр къыщы­дихыгъ, пчъагъэр – 83:79. Джырэ уахътэм тикомандэ я 6-рэ чIыпIэм щыт. Пэрытныгъэ зыIы­гъыр «Металлург» (Магнитогорск).

Тыгъэгъазэм и 22 – 23-м «Динамо-МГТУ-р» Мыекъуапэ щешIэщт, командэу «Южный слон» зыфиIорэм тIогъогогъо IукIэщт.

Командэхэр зыдэщыт чIыпIэхэр ыкIи очко пчъагъэу рагъэкъугъэр: 1. «Металлург» (Магнитогорск) – 22. 2. «ЦСП-Химки» (Химки) – 20. 3. «Динамо» (Грозный) – 19. 4. «Нефтехимик» (Тобольск) – 17. 5. «Чебоксарские ястребы» (Чебоксары) — 17. 6. «Динамо-МГТУ» (Мыекъуапэ) – 17. 7. «Южный слон» (Ставрополь) – 17.