Урысые чемпионатым и Суперлигэ щешIэрэ «АГУ-Адыифым» мы илъэсым иIэгъэ ешIэгъухэм ащыщэу 11-р шIуахьыгъ.

«АГУ-Адыиф» (Мыекъуапэ) – «Луч» (Москва) – 29:33.

ЗэIукIэгъум ипэублэ Москва игандболисткэхэм пчъагъэр къызэ­Iуахыгъ ыкIи ятIонэрэ таймыр аухыфэ къызэкIэкIуагъэхэп. Тико­мандэ хэт пшъашъэхэм хэукъо­ныгъабэ ашIыгъ, «Лучым» Iэгоо псынкIэхэр къэлапчъэм бэрэ дидзагъэх.

«АГУ-Адыифым» хэт Валентина Томилинар дэгъоу ешIагъ, Iэгоо 13 къэлапчъэм дидзагъ. Тикоман­дэкIэ ар ешIэкIо анахь дэгъоу къыхагъэщыгъ.

Ау гандболыр командэ джэгукI, арышъ, текIоныгъэр къыдэпхыным пае зэкIэми узэгурыIон фае. Мы мафэм типшъашъэхэм ар къадэ­хъу­гъэп.

Тыгъэгъазэм и 15-м «АГУ-Адыифыр» командэ анахь лъэшхэм ащыщэу «Черноморочкэм» IукIэщт. ЕшIэгъур республикэм икъэлэ шъхьаIэ щыкIощт.