ЛIыхъукI Андзаур Мыхьамод ыкъор
Урысые Федерациемрэ Адыгэ Республикэмрэ культурэмкIэ язаслуженнэ IофышIэу ЛIыхъукI Анзаур Мыхьамод ыкъом идунай ыхъожьыгъ.
ЛIыхъукI Анзаур 1946-рэ илъэсым къуаджэу Аскъэлае къыщыхъугъ. Адыгэ музыкальнэ училищымрэ культурэмкIэ Краснодар институтым идирижерскэ отделениерэ къыухыгъэх.
1973-рэ илъэсым къыщегъэжьагъэу 1979-рэ илъэсым нэс ЛIыхъукI Анзаур Мыекъопэ музыкальнэ училищым щыригъэджагъэх. 1982-рэ илъэсым къыщегъэжьагъэу 1987-рэ илъэсым нэс Адыгеим лъэпкъ культурэмкIэ и Гупчэ ипэщагъ. Илъэс зэфэшъхьафхэм Адыгеим и Къэралыгъо филармоние ипэщагъ, ирежиссер шъхьаIэу щытыгъ. 1995-рэ илъэсым къыщегъэжьагъэу 2006-рэ илъэсым нэс республикэм культурэмкIэ иминистрэ игодзагъ.
Общественнэ советэу АР-м культурэмкIэ и Министерствэ щызэхэщагъэм итхьаматэу зыщэтым ЛIыхъукI Анзаур общественнэ IофшIэнышхо ыгъэцэкIагъ.
Адыгеим икультурэрэ иискусствэрэ яхэхъоныгъэ иIахьышIу хишIыхьагъ. ИIофшIэгъухэмрэ иныбджэгъухэмрэ агу ренэу ар шIукIэ илъыщт.
Тхьэм джэнэт лъапIэ къырет!