Зэнэкъокъур рагъэжьагъ
Адыгэ Республикэм футболымкIэ икIымэфэ зэIухыгъэ зэнэкъокъу рагъэжьагъ. ЗэкIэмкIи ащ командэ 30 хэлажьэ.
Командэхэр купищэу гощыгъэх: «Апшъэрэ девизионыр», «Апэрэ лигэр» ыкIи «Ветеранхэм ялиг».
Хабзэ зэрэхъугъэу, апшъэрэ купым хэтхэм яешIэгъухэр ары футболыр зыгу рихьыхэрэм нахь ашIогъэшIэгъонхэр. Мыщ команди 8 хэлажьэ.
Апэрэ турым къыдыхэлъытагъэу Мыекъопэ гуманитар-техническэ колледжымрэ республикэ спорт еджапIэмрэ зэIукIагъэх, пчъагъэр зэфэдизэу ешIэгъур аухыгъ, командитIум язи Iэгуаор къэлапчъэм дидзагъэп. «Ошъутенэр» «Картонтара–Шытхьал» зыфиIорэм дешIагъ ыкIи 2:1-у текIоныгъэр къыдихыгъ. Мы зэнэкъокъум илъэс пчъагъэ хъугъэу хэлэжьэрэ «Кавказыр» командэу «ИФК и дзюдо АГУ» зыфиIорэм IукIагъ, пчъагъэр — 0:2. Поселкэу Тульскэр къэзыгъэлъэгъорэ «Урожаим» гъэмэфэ зэнэкъокъум текIоныгъэр къыщыдихыгъ, Адыгеим и Кубок къыфагъэшъошагъ. Ар «Зэкъошныгъэм» дешIагъ ыкIи 7:0-у текIуагъ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:
1. «Урожай» — 3. 2. «ИФК и дзюдо АГУ» — 3. 3. «МФОК Ошъутен» — 3. 4. «МГГТК АГУ» — 1. 5. «Юность» — 1. 6. «Картонтара-Шытхьал» — 0. 7. «Кавказ» — 0. 8. «Зэкъошныгъ» — 0.
ЯтIонэрэ турыр тыгъэгъазэм и 17-м щыIэщт. Ащ щызэIукIэщтых: «Юность» — «ИФК и дзюдо АГУ», «МФОК Ошъутен» — «Кавказ», «Урожай» — «Картонтара-Шытхьал», «МГГТК АГУ» — «Зэкъошныгъ».