Анахь лъэшхэр къэнэфагъэх
Красногвардейскэ районым икIэлэеджакIохэм язэнэкъокъу мы мафэхэм рагъэкIокIыгъ. Зыныбжь илъэс 13-м шIомыкIыгъэ теннисистхэр ары зызыушэтыгъэхэр.
ЗэхэщакIохэм рагъэблэгъагъэх Адыгеим икъэлэ шъхьаIэ испортсмени 6. ЗэкIэмкIи турнирым нэбгырэ 30 хэлэжьагъ. Ахэр тренерхэу Бзаго Рустамрэ Надежда Трофимовамрэ агъасэх.
АнахьыкIэхэм якуп текIоныгъэр къыщыдахыгъ Мыекъуапэ щыщ Адам Матюшинымрэ къуаджэу Хьатикъуае щыпсэурэ Алина Трофимовамрэ.
Нахьыжъхэм якуп чемпион щыхъугъэх республикэм икъэлэ шъхьаIэ къэзыгъэлъэгъогъэхэ Кирилл Панькинымрэ Вероника Ивановамрэ.
Теннис цIыкIумкIэ зэнэкъокъухэр тыгъэгъазэм и 1-м Адыгэкъалэ щыкIощтых.