Урысые зэнэкъокъум хэлэжьэрэ «АГУ-Адыиф-2-м» Мыекъуапэ ешIэгъуи 4 щыриIагъ. Рес­публикэм икъэлэ шъхьаIэ ихьэкIагъэх къалэу Звенигород къэзыгъэлъэгъорэ командитIу. Апэрэ мафэми Адыгеим игандболисткэ ныбжьыкIэхэмрэ «УОР-2-м» илIыкIохэмрэ зэдешIагъэх. Бысымхэр нахь лъэшыгъэх, пчъа­гъэр — 29:28. ЯтIонэрэ мафэм мы командэ дэдэхэр зэIукIагъэх, мызыгъэгум хьакIэхэр нахь лъэшыгъэх, пчъагъэр 29:23-у ешIэгъур аухыгъ. Мыщ къыкIэлъыкIорэ мафэхэм Мыекъуапэ икомандэ зэ­нэкъокъум пэрытныгъэ щызыIыгъ «Звезда-УОР-м» IукIагъ. ХьакIэхэр хэпшIыкIэу нахь лъэшыгъэх, зэIукIэгъуитIури ахьыгъ. Тыгъэгъазэм и 20 — 21-м Адыгеим икомандэ «СК КК Черноморочка-2» зыфиIорэм де-шIэщт. ЗэIукIэгъухэр Мыекъуапэ щыкIощтых. Командэхэр зыдэщыт чIыпIэхэр ыкIи очко пчъагъэу рагъэкъугъэр: 1. «Звезда-УОР» — 40. 2. «ЦСКА-2-МССУОР N 2»— 38. 3. «Динамо-Синара-2» — 34. 4. «Росатов-Дон-3 УОР» — 32. 5. «Луч-2» — 29. 6. «Лада-СШОР» — 25. 7. «Кубань-2» — 22. 8. «СК КК-Черноморочка-2» — 10. 9 «Ставрополье-СУОР» — 10. 10. «УОР N 2 Звенигород» — 9. 11. «АГУ-Адыиф-2» — 9. 12. «Астраханочка-СШОР» — 7. 13. «СШОР N 5-Университет-2» — 3.