Адыгэ Республикэм щыпсэухэу лъытэныгъэ зыфэтшIыхэрэр!

ТичIыпIэгъу лъапIэхэр!

Хэгъэгум и ЛIыхъужъхэм я Мафэ фэшI тышъуфэгушIо!

Тихэгъэгу икъэухъумэнрэ ихэхъоныгъэрэ зиIахьышIу ахэзышIыхьагъэхэм, ищытхъу языгъэIуагъэхэм шъхьэкIэфэшхо зэрафэтшIырэр мы мафэм къэтэIо.

ЛIыхъужъныгъэ зезыхьэгъэ тихэгъэгогъухэр уи Хэ­гъэгу шIу зэрэплъэгъун, узэрэфэшъыпкъэн, уипшъэ­рылъ зэрэбгъэцэкIэн фаемкIэ Урысыем илIэуж пстэумкIи щысэтехыпIэу щытых.

ТилIыхъужъхэм тарэгушхо, ахэм ящысэ тетэу къыткIэ­хъухьэрэ ныбжьыкIэхэр тэпIух, тикIэлэцIыкIухэмрэ ти­пхъорэлъфхэмрэ яду­нэе­еплъыкIэ зэтеуцонымкIэ, цIы­фыгъэ ахэлъынымкIэ IэпыIэгъу тафэхъу.

ТичIыпIэгъубэмэ гъэ­хъа­гъэ хэлъэу япшъэрылъ непэ хэушъхьафыкIыгъэ дзэ операцием щагъэцакIэ. ЛIыгъэ, псэемыблэжьныгъэ къызыхагъафэзэ, хэбзэ шIагъо- хэу Урысыем илъ хъугъэхэр лъагъэкIуатэх.

ХэушъхьафыкIыгъэ дзэ операцием хэлэжьэрэ ти­кIалэхэм псынкIэу текIоныгъэ къыдахынышъ, ядэжь къагъэзэжьынэу афэтэIо! ТичIыпIэгъу лIыхъужъхэм псауныгъэ пытэрэ гъэшIэ кIыхьэрэ яIэнэу тафэлъаIо! Тихэгъэгу итарихъ егъэшIэрэу зыцIэ хэхьагъэхэми, фэхыгъэхэми щытхъур адэжь!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр