АР-м хэгъэгу кIоцI IофхэмкIэ и Министерствэ иIофышIэщтыгъэм къэралыгъом ишъэфэу зыщыгъуазэр зэриIотагъэм фэшI Ростов хэку хьыкумым ышIыгъэ унашъом кIуачIэ иIэ хъугъэ.

ЩынэгъончъэнымкIэ федеральнэ къулыкъум и ГъэIорышIапIэу Адыгэ Респуб­ликэм щыIэм оперативнэ-лъыхъунымкIэ иIофышIэщтыгъэу Нэгъой Михаил бзэджэшIагъэ зезыхьагъэхэр зыщаIыгъырэ учреждением чIэсым дэгущыIэзэ, ащ къыриIуагъ гъэпцIагъэ зыхэлъ бзэджэшIагъэм мы полицейскэр хэщэгъэн зэрилъэ­кIыщтымкIэ щынэгъончъэнымкIэ подразделениер зэрегуцафэрэр.

ЩынэгъончъэнымкIэ къулыкъухэм яIофышIэхэм къагъэшъыпкъэжьыгъ мы хэбзэ ухъумакIом ылъэныкъокIэ оперативнэ-лъыхъун Iофтхьабзэ зэрэзэхащагъэр.

ЩынэгъончъэнымкIэ федеральнэ къу­лыкъум и ГъэIорышIапIэу Адыгеим щыIэм М. Нэгъоим ылъэныкъокIэ уголовнэ Iоф къызэIуихыгъ ыкIи зэхифыгъ. Ростов хэку хьыкумым унашъоу ышIыгъэмкIэ, ащ илъэсрэ ныкъорэ хьапс условнэу тыралъхьагъ, илъэситIум къыкIоцI хэбзэухъумэкIо къулыкъухэм Iоф ащишIэн фитыщтэп. ЩынэгъончъэнымкIэ федеральнэ къулыкъум и ГъэIорышIапIэу Адыгэ Республикэм щыIэм ипресс-къулыкъу.