Адыгэ Республикэм футболымкIэ икIымэфэ зэIухыгъэ зэнэкъокъу командэ 30 хэлэжьэщт. ЗэIукIэгъухэр республикэ стадионэу «Юностым» щыкIощтых.

ЗэхэщакIохэм командэхэр купи­щэу агощыгъэх: «Апшъэрэ дивизионыр», «Апэрэ лигэр» ыкIи «Ветеранхэм ялиг».

Апшъэрэ купым команди 8 хэт. Ахэр: «Урожай», «Кавказ», «ИФК и дзюдо АГУ», «МФОК Ошъутен», «Юность», «Зэкъошныгъ», «Картонтара-Шытхьал», «МГГТК АГУ». Мы купым хэтхэр ахъщэ шIухьафтын анахь иным — сомэ мини 100-м фэбэнэщтых. ЯешIэгъухэр тыгъэгъазэм и 10-м рагъэжьэщтых, къихьащт илъэсым щылэ мазэм и 21-м нэс кIощтых. Мы уахътэм къыкIоцI тури 7 щыIэщт.

Апэрэ турым (тыгъэгъазэм и 10-м) щызэIукIэщтых:

«МГГТК АГУ» — «Юность», «Картонтара-Шытхьал» — «МФОК Ошъутен», «Кавказ» — «ИФК и дзюдо АГУ», «Зэ­къошныгъ» — «Урожай».

Апэрэ лигэм командэ 14 хэт. Ахэр: «Ошъутен», «Спортмас­тер», «Спортмастер-2», «МФОК Ошъутен», «Тульскэр», «Легион», «Альянс», «Олимп-ДЮСШ», «Канониры», «Атлетик», «Ха­бзэ», «Люди в черном», «СШОР-2007», «СШОР-2008».

Апэрэ турым (тыгъэгъазэм и 9-м) щызэIукIэщтых:

«Тульскэр» — «Олимп-ДЮСШ», «Ошъутен» — «Ка­нониры», «СШОР-2007» — «МФОК Ошъутен», «Атлетик» — «Хабзэ», «Спортмастер» — «Спортмастер-2», «Альянс» — «Люди в черном». Тыгъэгъазэм и 10-м зэдешIэщтых: «СШОР-2008» — «Легион».

Ветеранхэм якуп командакIэ къыхэхьагъ — «Улап». Адрэхэр илъэс пчъагъэ хъугъэу зэнэкъо­къум хэлажьэх. Ахэр: «Дорожник», «Джокер», «Щагъдый», «ВНГ», «Делотехника», «Звезда», «Фыщт», «Улап».

Апэрэ турым (тыгъэгъазэм и 9-м) яIэщт ешIэгъухэр:

«Звезда» — «ВНГ», «Дорожник» — «Улап», «Щагъдый» — «Фыщт», «Делотехника» — «Джокер». Футболыр зышIогъэшIэгъонхэр зэIукIэгъухэм яплъынхэу зэхэща­кIохэм рагъэблагъэх.