МедалитIу къахьыгъ
Тэхъутэмыкъое районым испортсменхэм къалэу Ейскэ щыкIогъэ зэнэкъокъум медалитIу къыщахьыгъ. Къыблэ федеральнэ шъолъырыр къэзыгъэлъэгъорэ нэбгыри 130-мэ заушэтыгъ, къэралыгъом ичемпионат ифинал едзыгъоу Московскэ хэкум щыкIощтым хэлэжьэщтхэр къэнэфагъэх.
Тэхъутэмыкъое районым испорт еджапIэ зыщызыгъэсэхэрэ спортсменхэм гъэхъэгъэшIухэр ашIыгъэх. Килограмм 67-м нэс къэзыщэчыхэрэм якуп щыбэнэгъэ ЛъэпцIэрышэ Арамбый текIоныгъэр къыдихыгъ, Артем Тарзян ящэнэрэ чIыпIэр къыфагъэшъошагъ. Ахэм ятренерых Асэкъал Рустамрэ Зэрамыку Руслъанрэ.