Зэнэкъокъур рагъэжьагъ
ВолейболымкIэ хъулъфыгъэ командэхэм язэнэкъокъу мы мафэхэм рагъэжьагъ.
Апэрэ турыр псэупIэу Красногвардейскэм щыкIуагъ. Ащ Мыекъуапэ, Джэджэ, Красногвардейскэ ыкIи Шэуджэн районхэм, Краснодар краим икъалэу Лабинскэ якоманди 6 хэлэжьагъ.
ЧIыпIэ командэу «Кавказымрэ» Мыекъопэ «Динамо-СШОР» зыфиIорэмрэ текIоныгъэкIэ зэнэкъокъур аублагъ. Ахэр «Кристаллым» ыкIи «Нартым» анахь лъэшыгъэх. Джащ фэдэу Лабинскэ икоманди текIоныгъэр къыдихыгъ.
ЯтIонэрэ турыр тыгъэгъазэм и 23-м щыIэщт.