Адыгэ Республикэм и Къэралыгъо Совет — Хасэм иящэкIэ­нэрэ зэхэсыгъо 2023-рэ илъэсым тыгъэгъазэм и 6-м щыIэщт.

Iофыгъоу зытегущыIэщтхэм мы къыкIэлъыкIощтхэр ахагъэхьагъэх: законопроектхэу «Адыгэ Республикэм 2024-рэ илъэсымкIэ ыкIи 2025-рэ, 2026-рэ илъэсхэм ячэзыу пIалъэкIэ республикэ бюджетым ехьылIагъ», «ШIокI зимыIэ медицинэ страхованиемкIэ Адыгэ Рес­публикэм и ЧIыпIэ фонд 2024 – 2026-рэ илъэсхэмкIэ ибюджет ехьылIагъ» зыфиIохэрэм ятIонэрэу ахэплъэгъэныр, законопроектхэу «ЧIыпIэ зыгъэIоры­шIэжьыным ехьылIагъ», «ЧIыгум епхыгъэ зэфыщытыкIэхэр гъэтэрэзыгъэнхэм ехьылIагъ» зыфиIохэрэм зэхъокIыныгъэхэр афэшIыгъэнхэм фэгъэхьы­гъэ­хэм апэрэу ахэплъэгъэныр ыкIи нэ­мыкI Iофыгъохэр.

Къэралыгъо Советым — Хасэм изэхэ­сыгъо Адыгэ Республикэм и ЛIышъхьэ дэжь щыIэ Координационнэ гупчэм сы­хьатыр 10 -м щаублэщт. ЗыдэщыIэр: къ. Мыекъуапэ, Жуковскэм иур., 22.

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр