КIэлэцIыкIу технопаркым щыIагъэх
Урысые Федерацием ит гурыт еджапIэхэр сэнэхьатыр къыхэхыгъэным епхыгъэ IофшIэным изыкI шапхъэ Iоныгъом и 1-м къыщегъэжьагъэу техьагъэх.
[caption id="attachment_142602" align="aligncenter" width="800"]
АР-м гъэсэныгъэ тедзэхэмкIэ и Гупч.[/caption]
Лъэпкъ проектэу «Гъэсэныгъэм» ифедеральнэ проектэу «КIэлэцIыкIу пэпчъ игъэхъагъ» зыфиIорэм ар къыдыхэлъытагъ.
[caption id="attachment_142603" align="aligncenter" width="800"] АР-м гъэсэныгъэ тедзэхэмкIэ и Гупч.[/caption]
ЗыкI шапхъэм къыдыхэлъытагъэу илъэсыкIэ еджэгъур къызихьагъэм къыщегъэжьагъэу гъэсэныгъэ тедзэм епхыгъэ Iофтхьабзэхэм кIэлэеджакIохэр ахэлажьэх ыкIи республикэ технопаркэу «Кванториум» зыфиIорэм ащэх.
— КIэлэеджакIохэм сэнэхьатэу щыIэхэр ягъэшIэгъэнхэм епхыгъэ системэ щыIэныр ары проектым пшэрылъ шъхьаIэу иIэр. Гъэсэныгъэм, пIуныгъэм ыкIи нэмыкI IофшIэнхэм ар апхырыщыгъэу гъэцэкIэгъэн фае, — еIо проектым ишъолъыр операторэу Наталья Щербинам.
КIэлэцIыкIу технопаркэу «Кванториум» зыфиIорэм иIофышIэхэм сэнэхьатыкIэхэм афэгъэхьыгъэ мастер-класс зэхащагъэх. КIэлэеджакIохэм аныбжь ыкIи ахэм нахь ашIогъэшIэгъоныщт лъэныкъохэр къыдалъытагъэх.
Адыгеим гъэсэныгъэмкIэ иорганизации 127-рэ проектым хэлажьэ, ахэм ащыщэу 105-м базовэр, 19-м лъэныкъо шъхьаIэр къыхахыгъ. ЕджэпIи 3-мэ нахь игъэкIотыгъэу ар зэрагъэшIэщт.
АР-м гъэсэныгъэ тедзэхэмкIэ и Гупч.