Лъэпкъ пщынэхэм къязыгъаIохэрэм я Урысые фестиваль-зэнэкъокъоу «Звучит гармонь над Приэльбрусьем» зыфиIорэр Налщык щыкIуагъ. Лъэпкъ мэкъамэм идэхагъэ къагъэлъэгъонэу Урысыем ишъолъыр 14-мэ къарыкIыгъэ пщынаохэр Iофтхьабзэм хэлэжьагъэх. Кавказ пщынэ къеуакIэм фырагъэджэнхэр зырагъэжьагъэр илъэс 50 зэрэхъугъэм ар фэгъэхьыгъагъ.

[caption id="attachment_142563" align="aligncenter" width="800"] Т. Юсуповым ихъарзынэщ[/caption]

Адыгэм идунай щызэлъашIэрэ пщынаоу Унэрэкъо Аскэрбыйрэ пхъэкIычаоу Iэшъхьэмэфэ СултIанрэ республикэр зэнэкъокъум къыщагъэлъэгъуагъ ыкIи апэрэ шъуашэ зиIэ диплом къафагъэшъошагъ. Аскэрбый тызэрэщигъэгъозагъэмкIэ Аулъэ Олэгъэй и «ЗэфакIо», хыIушъо адыгэхэм якъэшъо мэкъамэу «Щыгъы­жъыер» ыкIи лезгинкэр къырагъэIуагъэх. ЕдэIугъэхэми, осэшI купым хэтыгъэхэми агу зэрэрихьыгъэм хагъэунэфыкIырэ чIыпIэу къахьыгъэр ишыхьат.

Анцокъо Ирин. Сурэтыр: Т. Юсуповым ихъарзынэщ