Тыгъэгъазэм и 3-р – АмышIэрэ ДзэкIолIым и Маф
Адыгэ Республикэм щыпсэухэу лъытэныгъэ зыфэтшIыхэрэр! ТичIыпIэгъу лъапIэхэр!
АмышIэрэ ДзэкIолIым и Мафэ зэрэхэдгъэунэфыкIырэм къегъэлъагъо Хэгъэгум зышъхьамысыжьэу къулыкъу фэзыхьыгъэхэм, япшъэрылъ агъэцакIэзэ фэхыгъэхэу зыцIэ амыгъэунэфыгъэхэм тызэрафэразэмрэ ахэр зэрэтщымыгъупшэщтхэмрэ.
Мы мафэм тыгу къэтэгъэкIыжьых зи Хэгъэгу къэзыухъумэзэ фэхыгъэхэр, ахэм ялIыхъужъныгъэрэ япсэемыблэжьныгъэрэ тарэгушхо. Тихэгъэгу илъэкIрэ, лъэпкъыбэу ащ щыпсэухэрэм языкIыныгъэ ыкIуачIэрэ зынэсырэр зэрэдунаеу ахэм агурагъэIуагъ.
Тэ типшъэрылъ лъапIэр зыфэдэ къэмыхъугъэ блэнагъэу ахэм зэрахьагъэр зыщытымыгъэгъупшэныр, тызэрыс Хэгъэгушхом ифедэхэм тызышъхьамысыжьэу тафэлэжьэныр, Урысыер джыри нахь зэтегъэпсыхьагъэ, нахь кIочIэшхо хъуным пае тфэлъэкIыщтыр зэкIэ тшIэныр ары.
ТичIыпIэгъу лъапIэхэр, псауныгъэ пытэ, щыIэкIэшIу шъуиIэнэу, Адыгеимрэ Урысыемрэ яфедэ зыхэлъ ублэпIэ пстэуми гъэхъагъэхэр ащышъушIынхэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КЪУМПIЫЛ Мурат
Адыгэ Республикэм и Къэралыгъо Совет - Хасэм и Тхьаматэу Владимир НАРОЖНЭР