Урысые Федерацием и Президентэу Владимир Путиным журналистхэм яупчIэ­хэм джэуапхэр къазщыриты­жьыщтхэ уахътэмкIэ макъэ къагъэIугъ – тыгъэгъазэм и 14-р ары.

Ащ Адыгеим икъэбарлъыгъэIэс амалхэм ялIыкIохэр хэлэжьэщтых — «Адыгэ макъэм», КъТРК-у «Адыгеим», Адыгэкъалэрэ Мыекъопэ районымрэ ягъэзетхэу «Единствэмрэ» «Маяк» зыфиIорэмрэ яжурналистхэр.

Президентым ипресс-секретарэу Дмитрий Песковым къызэриIуагъэмкIэ, зэнкIэ зэдэгущыIэгъу шъуашэм илъэу илъэсым икIэуххэр къэралыгъом ипащэ зэфихьысыжьыщтых, журналистхэм яупчIэхэми джэуапхэр къаритыжьыщтых.

Непэ къыщыублагъэу цIыфхэм яупчIэхэм ятхын рагъэжьэщт. Ахэр телефон номерэу зэраштэщтхэр: 8(800)200-40-40, смс шIыкIэкIи упчIэхэр цIыфхэм агъэхьышъущтых номерэу 04040-мкIэ, сайтэу москва-путину.ру. зыфиIорэмкIи къэралыгъом ипащэ зыфагъэзэшъущт.

Iофтхьабзэр зыщаухыщтымкIэ охътэ гъэнэфагъэ зэрэфамышIыгъэр джащ фэдэу Дмитрий Песковым къыIуагъ.

Шъугу къэдгъэкIыжьын Адыгеим и ЛIышъхьэу КъумпIыл Мурат зэнкIэ зэдэгу­щыIэгъу республикэм щыпсэухэ­рэм тыгъэгъазэм и 7-м зэрадишIыщтыр. УпчIэхэр номерэу 122-мкIэ атхых, пчэ­ды­жьым сыхьатыр 8-м къыщыубла­гъэу пчыхьэм сыхьатыр 8-м нэс. Зы­гъэ­псэ­фыгъо мафэхэм сыхьатыр 2-м нэс. Электрон шIыкIэкIи упчIэхэр бгъэхьышъущтых – kumpilov-online@mail.ru зыфиIорэмкIэ. ЗэдэгущыIэгъу занкIэр тыгъэгъазэм и 7-м пчыхьэм сыхьатыр 5-м каналэу «Россия-24» зыфиIорэмкIэ щыIэщт.