ИгъэкIотыгъэ гъэцэкIэжьынхэм ауж республикэм дэгъоу щызэлъашIэрэ боксым изал къызэIуахыжьыгъ. Ар Мыекъуапэ игурыт еджапIэу N 7-м ищагу дэт. Адыгеим боксымкIэ и Федерацие мы псэуалъэр зэтегъэпсыхьэгъэным кIэщакIо фэхъугъ. А гухэлъым дыригъэштагъ Адыгэ Республикэм и ЛIышъхьэу КъумпIыл Мурат ыкIи проектыр зэрагъэцэкIэщт шIыкIэр агъэ­нэфагъ. ГъэцэкIэжьынхэм къадыхэлъытагъэу псэуа­лъэм иунашъхьэ зэблахъугъ, зэрифэшъуашэу зэтырагъэпсыхьагъ, оборудованиякIэ чIагъэу­цуагъ. Мыщ фэгъэхьыгъэ мэфэкI зэхахьэу зэхаща­гъэм къыщыгущыIагъ ыкIи боксыр зыгу рихьыхэрэм, ащ пыщагъэхэм къафэгушIуагъ Мыекъопэ къэлэ администрацием ипащэу Геннадий Митрофановыр. Iофтхьабзэм къыдыхэлъытагъэу боксым­кIэ зэнэкъокъу рагъэкIо­кIыгъ, Адыгеим ыкIи Краснодар краим яспортсмен 92-мэ зау­шэтыгъ.