Дунаим гъогогъу 11-рэ ичемпионэу, Урысыем спортымкIэ изаслуженнэ мастерэу Хьасанэкъо Мурат ишIухьафтынхэр зэрылъ зэнэкъокъу непэ Мыекъуапэ щырагъажьэ.

Спортсмен цIэрыIор къызыхъу­гъэ мафэм ехъулIэу мы турнирыр зэхащэ, мыгъэ ар я 7-у рагъэ­кIокIыщт.

ЗэхэщакIохэм зэрагъэнэфа­гъэмкIэ, 2006 – 2008-рэ илъэсхэм къэхъугъэ кIалэхэр зэнэкъо­къущтых. Яонтэгъугъэ елъытыгъэу ахэр купи 9-у гощыгъэщтых. ТекIоныгъэр ыкIи хагъэунэфы­кIырэ чIыпIэхэр къыдэзыхыгъэхэм щытхъу тхылъхэр, медальхэр, кубокхэр ыкIи ахъщэ шIухьаф­тынхэр афагъэшъошэщтых.

Джащ фэдэу 2024-рэ илъэсым Урысыем ипервенствэ хэлэжьэщт самбистхэм якъыхэхын мы зэнэкъокъур фытегъэпсыхьагъ. ПэшIорыгъэшъэу зэрагъэнэ­фагъэмкIэ, къэралыгъом ишъо­лъы­ри 10-мэ къарыкIыщт спорт­с­мен 200-м ехъумэ заушэтыщт.

Турнирым хэлэжьэщт пстэуми, анахьэу Адыгеим илIыкIохэм, гъэхъагъэхэр ашIынхэу афэтэIо.