Журналистикэм ылъэны­къокIэ Адыгэ Республикэм и ЛIышъхьэ ишIухьафтын афэгъэшъошэгъэнымкIэ Комисси­ем зэхэсыгъоу иIагъэм Адыгэ Республикэм и ЛIышъхьэрэ Адыгэ Респуб­ликэм иминист­рэхэм я Кабинетрэ я Администрацие ипащэ игуадзэу Къонэ Заур тхьамэтагъор щы­зэрихьагъ.

2023-рэ илъэсымкIэ журналистикэм ылъэныкъокIэ Адыгэ Республикэм и ЛIышъхьэ ишIу­хьафтын зыфэгъэшъошагъэмэ хъущт творческэ IофшIагъэхэр къэгъэлъэгъогъэнхэм иIофыгъо мыщ щыхэплъагъэх.

Гъэзетхэмрэ журналхэмрэ къащыхаутыгъэхэмкIэ журналистикэм ылъэныкъокIэ Адыгэ Республикэм и ЛIы­шъхьэ ишIухьафтын афэгъэ­шъошагъэмэ хъунэу мы къыкIэлъыкIорэ журналист Iоф­шIэгъи 8-р къагъэлъэгъуагъ:

— республикэ гъэзетэу «Советскэ Адыгеим» иобозревателэу Е. Ю. Нужнаям истатьяу «Патриотами не рождаются» зыфиIоу гъэзетэу «Советскэ Адыгеим» къыщыхаутыгъэр (N 196, 26.10.2023);

— республикэ гъэзетэу «Советскэ Адыгеим» иобозревателэу Г. В. Шевелевам иочеркхэу «Герои нашего времени» зыфиIохэу гъэзетэу «Советскэ Адыгеим» къыщыхаутыгъэхэр;

— республикэ гъэзетэу ­«Адыгэ макъэм» иобозревателэу А. Э. Делэкъом иочеркэу «Игорь Филин: «Адыгэ унагъо сызэрэщапIугъэм сырэгушхо» зыфиIоу гъэзетэу «Адыгэ ма­къэм» къыщыхаутыгъэр (N 193, 20.10.2023);

— республикэ гъэзетэу ­«Адыгэ макъэм» иобозревате­лэу С. М. Iэшъынэм истатьяхэу хэушъхьафыкIыгъэ дзэ операци­ем хэлажьэхэрэмрэ ахэм яуна­гъохэм арысхэмрэ IэпыIэгъоу Адыгеим щарагъэгъотырэм афэгъэхьыгъэхэу гъэзетэу «Адыгэ макъэм» къыщыхаутыгъэхэр;

— гъэзетэу «Майкопские новости» иредактор шъхьаIэ игуадзэу В. В. Корниенкэм иматериалэу «Фестиваль порадовал и снова удивил» зыфиIоу гъэзетэу «Майкопские новости» къыщыхаутыгъэр (N 105, 19.09.2023);

— гъэзетэу «Единство» иредактор шъхьаIэу С. А. ПхъэчыяшIэм иочеркэу «Маятник надежды» зыфиIоу гъэзетэу «Единствэм» къыщыхаутыгъэр (N 95, 25.10.2023);

— гъэзетэу «Красное знамя» иредактор шъхьаIэу В. В. Виятик истатьяу «Памяти моего учителя и друга» зыфиIоу гъэзетэу «Красное знамя» къыщыхаутыгъэр (N 12, 18.02.2023);

— Кощхьэблэ районым икъэ­барлъыгъэIэс гупчэ зыкI ипащэ игуадзэу А. Б. ЕмыкIым истатьяу «Счастье жить на род­ной земле» зыфиIоу гъэзетэу «Кошехабльские вести» къыщы­хаутыгъэр (N 63, 29,07. 2023).

Теле-, радиокъэтынхэмкIэ журналистикэм ылъэны­къокIэ Адыгэ Республикэм и ЛIышъхьэ ишIухьафтын афэгъэшъошагъэмэ хъунэу мы къыкIэлъыкIорэ журналист IофшIэгъи 4-р къагъэ­лъэгъуагъ:

— Къэралыгъо телерадиокомпаниеу «Адыгеим» тематическэ къэтынхэмкIэ икъулыкъу ипащэу А. К. Къуижъымрэ тематическэ къэтынхэмкIэ икъулыкъу икъэтынхэр зезыщэу Т. В. Беловам­рэ зэдагъэхьазырыгъэ телекъэ­тынхэу «Героями не рождаются» зыфиIохэрэр (къызагъэлъэ­гъуагъэхэр — 26. 10. 2023, 28.10.2023);

— Къэралыгъо телерадиокомпаниеу «Адыгеим» иоператорэу А. А. ЛIэхъусэжъым ителекъэтынэу «Мастер Замудин и ши­чепшин» зыфиIорэр (къызагъэлъэгъуагъэр 06.07.2023);

— Къэралыгъо телерадиокомпаниеу «Адыгеим» тематическэ къэтынхэмкIэ икъулыкъу икъэтынхэр зезыщэу С. С. Нэгъэрэ­къом ителекъэтынхэу «Гъэсэны­гъэмрэ шIэныгъэмрэ» зыфиIо­хэрэр;

— Мыекъопэ телевидением тематическэ къэтынхэмкIэ ыкIи къэбархэмкIэ иотдел икоррес­пондентэу А. М. Алексанян ире­портажэу «Развитие образовательных центров «Точка роста» зыфиIорэр (къызагъэлъэ­гъуагъэр 03.02.2023).

ШIухьафтынхэр афэзыгъэ­шъошэрэ Комиссием ипредложениехэр мы илъэсым тыгъэгъа­зэм и 1-м нахь мыгужъоу АР-м и ЛIышъхьэ IэкIагъэхьащтых.