Адыгэ Республикэм иросгвардейцэхэм мэзпэсхэр ягъусэхэу шэкIо­нымкIэ хэбзэгъэуцугъэр ыкIи Iэшэзе­хьа­нымкIэ шапхъэхэр шакIохэм зэрагъэ­цакIэхэрэр ауплъэкIух.

ШэкIогъу уахътэр чъэпыогъу мазэм къызэрихьагъэм а Iофтхьабзэр къыкIэлъыкIуагъ.

Мыекъопэ районыр ары джырэ уахътэм уплъэкIунхэр зыщыкIохэрэр. Лицензиехэм, шэкIонымкIэ фитыныгъэ цIыфхэм ятыгъэ­ным афэгъэзэгъэ подразделениеу Росгвардием иIэр ары а Iофыр зыгъэцакIэрэр. Фитыныгъэ зэ­ряIэр къэзыушыхьатырэ тхылъхэм пIалъэу яIэри ауплъэкIу. ЩынэгъончъэнымкIэ ыкIи шэкIонымкIэ шапхъэхэр зыукъохэрэ шакIохэм уголовнэ ыкIи административнэ пшъэ­дэ­кIыжь арагъэхьыщт.