[caption id="attachment_141930" align="aligncenter" width="800"] АКъУ[/caption]

Адыгэ къэралыгъо университетым и Кавказ хьисап гупчэ ипащэу Андрей Райгород­скэр «Илъэсым идекан» зыфиIорэ шIухьафтыным илауреат хъугъэ.

Мы мафэхэм яхэнэрэ Про­фессорскэ форумэу Москва щы­кIуа­гъэм ащ къыщыфэ­гушIуагъэх.

Форумым нэбгырэ мини 2,5-рэ зэфищагъ. ГъэцэкIэкIо ыкIи хэбзэихъухьэ къулыкъухэм ялIыкIохэр, бизнесым, научнэ сообществэм хэтхэр, ректорхэр ыкIи апшъэрэ еджапIэхэм яIофышIэхэр ащ хэлэжьагъэх.

Лъэпкъ премиехэу «Илъэсым иректор», «Илъэсым идекан» ыкIи «Илъэсым ипрофессор» зыфиIохэрэм текIоныгъэ къащыдэзыхыгъэхэр форумым щагъэшIуагъэх.

Урысые Федерацием просве­щениемкIэ иминистрэу Сергей Кравцовыр, УФ-м общественнэ пала­тэм исекретарь игуадзэу, Урысые профессорскэ зэхахьэм ипащэу Владислав Гриб ыкIи Урысые профессорскэ зэхахьэм илъыплъэн совет итхьаматэу Владимир Филипповыр анахь дэгъоу зыкъэзыгъэлъэгъуагъэхэм афэгушIуагъэх.

Адыгэ къэралыгъо универси­тетым и Кавказ хьисап гупчэ ипащэу, Москва физикэ-техни­ческэ институтым прикладной хьисапымкIэ ыкIи информа­тикэмкIэ физтех-еджапIэм ипащэу Андрей Райгородскэм «Физико-хьисап шIэныгъэхэр» зыфиIорэ лъэныкъомкIэ «Илъэ­сым идекан» хъугъэ.

«Политическэ шIэныгъэхэр» зыфиIорэ лъэныкъомкIэ «Илъэ­сым ипрофессор» зыфиIорэм илауреат хъугъэ Адыгэ къэра­лыгъо университетым полити­ческэ шIэныгъэхэмкIэ докторэу, профессорэу Жадэ Зуриет.