Теннис цIыкIумкIэ зэнэкъокъух
КIэлэеджакIохэм я Спартакиадэ къыдыхэлъытагъэу республикэм икъэлэ шъхьаIэ дэт гурыт еджапIэхэм ачIэсхэр теннис цIыкIумкIэ зэнэкъокъущтых.
Командэ пэпчъ шъэожъыитIурэ зы пшъашъэрэ хэт. Iофтхьабзэм хэлажьэх 2012-рэ илъэсым къэхъугъэхэр ыкIи нахьыкIэхэр, джащ фэдэу 2011-рэ илъэсым ыпэкIэ къэхъугъэхэр.
ЗэхэщакIохэм Мыекъуапэ дэт гъэсэныгъэ организациехэр купитIоу агощыгъэх, гъэсэныгъэм иучреждениехэм ачIэс нэбгырэ пчъагъэм елъытыгъэу.
Апэрэ купым текIоныгъэр къыщыдихыгъ гурыт еджапIэу N 7-м икомандэ. Ар финалым щыIукIагъ ыкIи щытекIуагъ гурыт еджапIэу N 17-м.
ЯтIонэрэ купым еджэпIэ 13 хэхьэ. Апэрэ чIыпIэр къыдэзыхыгъэр гурыт еджапIэу N 13-р ары.
Къихьащт тхьамафэм апшъэрэ классхэм арыс кIэлэеджакIохэр зэнэкъокъущтых, хагъэунэфыкIырэ чIыпIэхэм афэбэнэщтых.