Адыгэ Республикэм и ЛIышъхьэ ишIухьафтын зэрылъ зэнэкъокъум хагъэунэфыкIырэ чIыпIэ­хэр къыщыдэзыхыгъэхэр мы зыгъэпсэфыгъо мафэхэм къэнэфэнхэ ылъэкIыщт.

БлэкIыгъэ турым къыдыхэлъытагъэу «Мыекъуапэр» «Сириусым» 4:2-у текIуагъ ыкIи аужырэ чIыпIэр къыбгынагъ. Адыгэ къэралыгъо университетым икомандэ «Тэхъутэмыкъуаем» дешIагъ ыкIи 3:1-у текIоныгъэр къыдихыгъ. «Урожаимрэ» «Адыгэкъа­лэрэ» поселкэу Тульскэм щы­зэ­дешIа­гъэх, бысымхэр нахь лъэшыгъэх, 3:1-у зэIукIэгъур аухыгъ.

Джы ешIэгъу анахь гъэшIэгъон­хэр командэхэм къапыщылъ. Аужырэ я 18-рэ турыр шэкIогъум и 18 — 19-м щыIэщт. Чемпион хъущтыр къыщынэфэщт «Урожаимрэ» «Кавказымрэ» язэIу­кIэгъу. ТекIорэ командэм апэрэ чIыпIэр къыдихыщт. Пчъагъэр зэфэдизэу заухыкIэ, «Адыгэкъа­лэрэ» «Урожаимрэ» яешIэгъоу зэкIахьэгъагъэм изэфэхьысыжь ежэнхэ фае хъущт, ар шэкIогъум и 25-м щыIэщт.

ШэкIогъум и 19-м «АГУ-р» «Чэчэнаим» IукIэщт, я 3-рэ чIыпIэр къыдэзыхыщтыр ащ къыщынэфэщт. Теуцожь районым икомандэ зы очко къыхьымэ фикъущт. Мы мэфэ дэдэм «Адыгэ­къалэрэ» «Тэхъутэмы­къуаерэ» зэIукIэщтых. ЕшIэгъухэр зэкIэ мафэм сыхьатыр 2-м рагъэжьэщтых.

Командэхэр зыдэщыт чIыпIэхэр ыкIи очко пчъа­гъэу рагъэкъугъэр: 1. «Кавказ» — 39. 2. «Урожай» — 37. 3. «Чэчэнай» — 30. 4. «АГУ» — 29. 5. «Адыгэкъал» — 19. 6. «Тэхъутэмыкъуай» — 15. 7. «Кощхьабл» — 15. 8. «Мыекъуапэ» — 9. 9. «Сириус» — 6.