Къалэу Мыекъуапэ, поселкэу Яблоновскэм, Мыекъопэ ыкIи Джэджэ районхэм хъэгъэ контейнерхэр заща­гъэу­цугъэр илъэсым къехъугъ, бжъэм хэшIыкIыгъэ пкъы­гъохэу амыгъэфедэжьхэрэр ратэкъонхэм ахэр фыте­гъэпсыхьагъэх.

Ау, гухэкI нахь мышIэми, бжъэ пкъы­гъохэри, нэмыкI пыдзафэхэри зэхэтхэу ахэм аратакъо.

ХэкIитэкъупIэ гъожьым ­иплъхьэ мыхъущтхэр:

— ПЭТ-бэшэрэбхэр (бжъэ бэшэрэб къызэрыкIохэу 0,33-м къыщегъэжьа-­ гъэу литри 2-м нэс зэрыфэхэрэр); — химие зыхэлъхэр зэрытыгъэхэр; — майонезым пае агъэфедэгъэгъэ щалъэхэр; — дагъэ зэрытыгъэхэр.

Бжъэ пкъыгъор контейнерым ибдзэным ыпэкIэ ар уунэкIынэу щыт, дэгъоу птхьакIын ищыкIагъэп, ау уитхьэкIыхьэмэ нахьышIу, зэхэпцIыцIэмэ, ащ ыубытыщт чIыпIэри нахь мэкIэщт.

Бжъэм пае агъэуцугъэм иплъхьэ мыхъущтхэр:

— пакетхэу гъомылапхъэм пае агъэ­федэхэрэр; — аращэкIырэ пленкэр; — пенопластыр; — хэтэрыкIыпсыхэмрэ гъэщымрэ зэрагъэхъорэ тхылъыпIэ къэмланхэр; — консервэхэр зэрылъыгъэхэр; — зэгъэфедэгъу хьакъу-шыкъухэр; — щатэмрэ йогуртымрэ зэрытыгъэ бэшэрэб цIыкIухэр; — майонезымрэ кетчупымрэ зэрытыгъэхэр ыкIи нэмыкIхэр;

Бжъэр къаугъоиным фэшI шъолъыр операторым хэушъхьафыкIыгъэ машинэр егъакIо, ащ контейнер гъожьхэр ары ыунэкIыхэрэр. Нэужым, ахэр зэхадзыжьых ыкIи къыдэзыгъэкIыжьырэ хъызмэтшIапIэхэм афащэх.

ООО-у «ЭкоЦентрэм» и Адыгэ шъолъыр къутамэ ипресс-къулыкъу