Агу къагъэкIыжьыгъэх
Илъэс къэс а мафэм къулыкъушIэхэм псаоу щымыIэжьхэр агу къагъэкIыжьых.
[caption id="attachment_141506" align="aligncenter" width="800"] Сурэтыр: МВД.[/caption]
Мыщ фэдэ шIэжь зэхахьэу джырэблагъэ щыIагъэм хэлэжьагъэх АР-м хэгъэгу кIоцI IофхэмкIэ иминистрэ игуадзэ иIэнатIэ зыгъэцэкIэрэ Лариса Шубинар, полицием иполковникхэу Андрей
Федосеевыр ыкIи Александр Сокрутиныр, джащ фэдэу оперативнэ IофшIэнымкIэ полицием ипащэ игуадзэу Эдуард Кобзарь, министерствэм иструктурнэ подразделениехэм япащэхэр.
Щытхъу хэлъэу къулыкъур зыхьыгъэхэр агу къагъэкIыжьызэ Лариса Шубинам къыIуагъ хэкIодагъэ пэпчъ бзэджашIэхэм апэуцужьыгъэным ыкIи хэбзэ рэхьатныгъэр къэухъумэгъэным иIахьышхо зэрэхишIыхьагъэр, ахэм ялIыхъужъныгъэ къыткIэхъухьэрэ лIэужхэмкIэ щысэтехыпIэу зэрэщытыр.
Шъолъыр министерствэм илIыкIохэм Хэгъэгу зэошхом илъэхъан ыкIи тэ тимафэхэм зыпсэ зытыгъэ къулыкъушIэхэм ясаугъэт къэгъагъэхэр кIэлъыралъхьагъэх. Зы такъикъэ афэшъыгъуагъэх.