Полицием иIофышIэхэр студентхэм аIукIагъэх, экстре­мизмэм пэуцужьыгъэным фэгъэхьыгъэ Iофыгъохэр ащ къыщаIэтыгъэх.

«Шъхьэихыгъэ зэдэгущыIэгъу» зыфиIорэ Iоф­тхьабзэм Адыгэ Респуб­ликэм и МВД иIофышIэхэр хэлэжьагъэх, ар Адыгэ къэралыгъо университетым щырагъэкIокIыгъ. Студентхэм гражданскэ еплъыкIэ яIэным, лъэпкъ ыкIи дин зэмызэгъыны­гъэхэр къахэмыфэнхэм ар фэIорышIэ.

НыбжьыкIэхэр мыщ фэ­дэ зэхахьэхэм ахэла­жьэхэ хъумэ, упчIэ-джэуап шIыкIэм тетэу Iофтхьабзэр рагъэкIокIэу хабзэ.

Мызыгъэгум хьакIэу студентмэ къафэкIуагъэр экстремизмэм пэуцужьыгъэнымкIэ гупчэу шъо­лъы­рым и МВД иIэм икъулыкъушIэу ГутIэ Рэмэзан.

Хэбзэгъэуцугъэу непэ агъэфедэхэрэм, организациеу экстремизмэм е терроризмэм хэщагъэхэу Урысыем щалъытэхэрэр къызэрэхагъэщырэ шIыкIэм ягугъу ныбжьыкIэхэм ащ къафишIыгъ.

ЦIыфым изэхашIэ зэрэ­дэлажьэхэрэр, ар зэщызыгъэкъорэ идеологиер зэрагъэфедэрэр, зызэращыуухъумэщтыр ГутIэ Рэмэзан къыIотагъэх. Ащ зэрэхигъэунэфыкIыгъэмкIэ, анахьэу къыхахырэ лъэныкъохэр диныр, поли­тикэр, лъэпкъ зэфэмыдэныгъэр ары, джыри икъоу зизэхашIэ мыпсыхьэгъэ ныбжьыкIэхэр агъэплъэ­хъух.

«Шъхьэихыгъэ зэдэгущыIэгъу» зыфиIорэ Iоф­тхьабзэм къыдыхэлъытагъэу полицием иIофышIэ­хэр зыхэлэжьэгъэхэ зы зэхахьэ джыри Адыгэ къэралыгъо университетым щыкIуагъ. Террориз­мэм пэуцужьыгъэным ар фэгъэхьыгъагъ.

Студентхэм хэушъхьафыкIыгъэ фильмэ къафагъэлъэгъуагъ, террориз­мэм иидеологие зызэриушъомбгъурэр, ащ зызэрэщаухъумэщтыр, онлайн купмэ ахахьэхэ зэ­рэмыхъущтхэр мыщ фэдэ шIыкIэхэмкIэ ныбжьыкIэ­хэм къафаIотагъ.

Адыгэ Республикэм и МВД ипресс-къулыкъу