КIэлэеджакIохэр хэлажьэх
Урысые физкультурэ-спорт комплексэу «IофшIэным ыкIи зыкъэухъумэжьыным сафэхьазыр» зыфиIорэм икIымэфэ фестиваль республикэ стадионэу «Зэкъошныгъэм» щырагъэжьагъ.
Мыекъуапэ дэт гурыт еджапIэхэр къэзыухырэ кIэлэеджакIохэр ащ хэлажьэх.
НыбжьыкIэхэм лъэныкъуи 5-кIэ заушэтыгъ, ахэр нэбгыри 150-м ехъух. Нахьыбэхэм шапхъэхэр зэрифэшъуашэу атыгъэх, физическэ ухьазырныгъэ дэгъу зэряIэр къагъэшъыпкъэжьыгъ. Джы бгъэхалъхьэхэр къаратынхэм фэшI ахэм метрэ 2000 ыкIи 3000 къачъын фае.
Iофтхьабзэм кIэщакIо фэхъугъ Мыекъуапэ физическэ культурэмкIэ ыкIи спортымкIэ и Комитет.