Мыекъопэ районым щыщ хъулъфыгъэу хэушъхьафы­кIыгъэ дзэ операцием хэлэ­жьагъэм мэкъуогъу мазэм къэралыгъо фондэу «Хэгъэгум иухъумакIохэр» зыфи­Iорэм ишъолъыр къутамэ зыкъыфигъэзагъ.

[caption id="attachment_141394" align="aligncenter" width="800"] Сурэтыр: Фондым икъутам.[/caption]

2022-рэ илъэсым гуфэкIо купыр зыхэхьэрэ отрядэу «Барс» зыфиIорэм хэтэу зэо пшъэрылъхэр ыгъэцакIэхэзэ уIэгъэ хьылъэ къытыращагъ. Медицинэ IэзапIэм чIэлъыфэ дзэкъулыкъушIэр гуфэкIо от­рядым испискэ къыхагъэкIыгъ. Ащ пае къыкIэлъыкIогъэ уахътэм граждан структурэм щеIэзэнхэ фае хъугъэ.

Зэо зэпэуцужьхэм яветеран удостоверениер къыратынымкIэ IэпыIэгъу къыфэхъунхэу Фондым ишъолъыр къутамэ хъулъфы­гъэм зыкъыфигъэзагъ. Iофыгъом изэ­шIохын ищыкIэгъэ тхьапэхэр гъэ­хьазырыгъэнхэмкIэ, зыдэ­кIощт чIыпIэхэр гъэнэфэгъэнхэмкIэ, Iофым хьыкумыр хэплъэ­нымкIэ Адыгэ Республикэм и Очылхэм япалатэ илIыкIо Iэпы­Iэгъу къы­фэхъугъ.

Фондым испециалистхэм яIо зэхэлъэу Iофыгъом изэшIохын ыуж зэритыгъэхэм фэшI дао зытыгъэм ишIоигъоныгъэ зэшIо­хыгъэ хъугъэ. Ветераным рэ­зэныгъэ гущыIэхэр социальнэ ко­ординаторхэм ариIуагъ. Фондым иIофшIэн джыри лъигъэ­кIотэщт.