Хэгъэгу кIоцI IофхэмкIэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIымкIэ — Урысые Федерацием хэгъэгу кIоцI IофхэмкIэ икъулыкъухэм яIофышIэ и МафэкIэ ты­шъуфэгушIо!

ХэбзэухъумэкIо къулыкъухэм яIофышIэхэм хабзэр, къэралыгъом ыкIи цIыфхэм яфедэхэр къаухъумэх, япшъэрылъ агъэцакIэзэ гуетыныгъэ фыряIэу, лIыхъужъныгъэ зэрахьэзэ зэфагъэр, цIыфхэм ящынэгъончъагъэ къау­хъумэ, республикэмрэ хэгъэгумрэ хэхъоныгъэ ашIынымкIэ амалышIухэр арагъэгъотых.

Адыгэ Республикэм хэгъэгу кIоцI IофхэмкIэ и Министерствэ щылажьэхэрэм ветеранхэм яхэбзэ шIагъохэр лъагъэкIуатэхэзэ, хэгъэгум ыпашъхьэ ит пшъэрылъхэр зэрифэшъуашэу зэшIохыгъэнхэм яIахь хашIыхьэ, джырэ уахътэм къыздихьырэ гумэкIыгъохэм шIуагъэ къы­тэу апэуцужьых, республикэм хэбзэгъэуцугъэр укъуагъэ щымыхъуным анаIэ тырагъэты. Адыгэ Республикэм хэгъэгу кIоцI IофхэмкIэ и Министерствэ щылажьэхэрэм бзэджэшIагъэхэм ахэмыхъоным, цIыфым пэшIуекIорэ мыхъо-мышIагъэхэм апэуцужьыгъэным тапэкIи акIуачIэрэ амалэу яIэмрэ зэрарахьы­лIэщтым тицыхьэ телъ.

Адыгэ Республикэм хэгъэгу кIоцI IофхэмкIэ икъулыкъухэм яIофышIэ ыкIи яветеран пстэуми IэпэIэсэныгъэ ин хэлъэу къатефэрэр зэрагъэцакIэрэм, зышъхьамысыжьхэу зы­фэгъэзэгъэхэ Iофым къыпкъырыкIырэ пшъэ­рылъхэр зэрифэшъуашэу зэрагъэцакIэхэрэм апае тызэрафэразэр непэ къэтIонэу тыфай.

Псауныгъэ пытэ, щыIэкIэшIу шъуиIэу, шIум шъущымыкIэу бэрэ шъупсэунэу шъу­фэтэIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожнэр