Къэралыгъо фондэу «Хэгъэгум иухъумакIо­хэр» зыфиIорэм ишъо­лъыр къутамэ иIофышIэ­хэм хэушъхьафыкIыгъэ дзэ операцием хэла­жьэхэ­рэр ыкIи ахэм яунагъохэр ягъусэхэу лъэпкъ зыкIыныгъэм и Мафэ епхыгъэ мэфэкI Iофтхьабзэу респуб­ли­кэм щыкIуагъэхэм ахэлэжьагъэх.

[caption id="attachment_141339" align="aligncenter" width="800"] Сурэтхэр: Фондым икъутам.[/caption]

Зэкъошныгъэм игупчэ зэкIэри щызэрэугъоигъэх: къэралыгъо хабзэм икъулыкъухэм, ныбжьыкIэ объ­единениехэм, патриотическэ клубхэм ялIыкIохэр, фондым ынаIэ зытыригъэтырэ хэушъ­хьафыкIыгъэ дзэ операцием иветеранхэр, ахэм яунагъохэр.

Гупчэм къыщызэIуа­хыгъэ интерактивнэ площадкэхэр, сурэттехыпIэхэр къаплъыхьагъэх. Пчыхьэм зэгъусэхэу республикэм и Лъэпкъ музей еблэгъагъэх, Iофтхьабзэу «Искусствэм ичэщ» зыщагъэгъо­загъ. Дэхагъэр зикIасэхэм апае къэгъэлъэгъон гъэшIэгъонхэр, джэгукIэ зэфэшъхьафхэр зэхэща­кIохэм агъэхьазырыгъэх. Адыгеим итарихъ ыкIи икультурэ бай къизыIотыкIырэ артефактхэм, сурэт­хэм, документхэм ягуапэу яплъыгъэх.