ФутболымкIэ Урысыем изэнэкъокъу иятIонэрэ лигэ хэт командэхэм зичэзыу ешIэгъухэр яIагъэх. Мыекъопэ «Зэкъошныгъэр» командэу «Астрахань» IукIагъ ыкIи пчъагъэр 2:0-у текIоныгъэр къыдихыгъ.

«Зэкъошныгъ» (Мыекъуапэ) — «Астрахань» (Астрахань) — 2:0, 1:0.

Мы зэIукIэгъум футболыр зыгу рихьырэ нэбгырэ 350-рэ еп­лъыгъ. Тикомандэ ешIэкIэ дахэ къы­гъэлъэгъоным ахэр щыгугъыгъэх ыкIи тифутболистхэм ар къа­гъэшъыпкъэжьыгъ. Я 41-рэ такъи­къым пенальтикIэ пчъагъэр къы­зэIуихыгъ «Зэкъошныгъэм» иешIакIоу Сергей Архиповым. Я 94-рэ такъикъым Датхъужъ Адам Iэгуаор къэлапчъэм ди­дзагъ, пчъа­гъэр 2:0-у зэIукIэ­гъур ау­хыгъ.

—ТекIоныгъэр къыдэтхыным тыфэбэнагъ, сыда пIомэ очко пчъагъэу тиIэм хэдгъэхъон фае. Ар тикомандэ хэт футболистхэм къагурыIозэ дэгъу дэдэу ешIагъэх, Iэгуаор гъогогъуитIо къэлапчъэм дадзагъ, — къыIуагъ «Зэкъошныгъэм» икъэлэпчъэIутэу Валерий Ореховым.

Турым изэфэхьысыжьхэр:

«Кубань Холдинг» — «Машук-КМВ» — 0:1, «Рубин» — «Легион» 1:0. Командэхэр зыдэщыт чIыпIэхэр ыкIи очко пчъагъэу рагъэкъугъэр: 1. «Машук-КМВ» — 13. 2. «Зэкъошныгъ» — 10. 3. «Рубин» — 10. 4. «Кубань Холдинг» — 7. 5. «Легион» — 6. 6. «Астрахань» — 3.

ШэкIогъум и 5-м «Зэкъошныгъэр» Пятигорскэ щыIукIэщт зэнэкъокъум пэрытныгъэ щызы­Iыгъ «Машук-КМВ-м».